Polaris Bank Nigeria: Ẹ̀rù ń bà wá o - Oníbàárà

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionÈrò àwọn oníbàárà Skye Bank tó porúkọ dà
Ami idamọ banki Skye Image copyright @SkyebankNigeria

Gomina banki apapọ ilẹ wa, Godwin Emefiele ti kede pe banki apapọ ilẹ wa ti gbẹsẹ le Skye banki.

Emefiele kede eyi lasiko to n sepade pẹlu awọn akọroyin nilu Eko.

Nigba to n salaye lori gbesẹ to ku ti banki apapọ ilẹ wa gbe lati doola banki naa, Emefiele ni , lati akoko yii lọ, banki tuntun miran, ti wọn pe ni Polaris ni yoo maa se akoso banki Skye bayi.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOsun Election 2018: Aráàlú ní àwọn kò fẹ́ ìjọba elébi mọ́

Emefiele ni "A fẹ fi ọ̀kan awọn onibara banki Skye atijọ balẹ pe labẹ eto tuntun yii, mimi kankan ko ni mi owo wọn to wa ni ipamọ, ti isẹ sise yoo si bẹrẹ ni pẹrẹu lọjọ aje to n bọ ni awọn ẹka banki Skye lai si idaduro kankan."

Image copyright @SkyebankNigeria

O ni eyi ni yoo fun awọn onibara yii lati seto katakara wọn bo ti yẹ.

Emefiele fi kun pe, nibamu pẹllu ofin, awọn onibara banki Skye tẹlẹ ti di onibara banki Polaris bayii lẹyẹ o sọka.

EFCC gbe osisẹ banki tẹlẹ lọ sile ẹjọ

Ninu iroyin miran ẹwẹ, ajọ to n gbogun ti iwa ibajẹ ni Naijiria, EFCC ti gbe osisẹ ile-isẹ ifowopamọ tẹlẹri, Adejare Sonde re'le ẹjọ giga to wa ni Abeokuta, ni ipinlọẹ Ogun.

Ajọ EFCC ti ẹka ti o wa ni Ibadan fi ẹsun ole jija ati yiyi iwe lori iye owo ti o to milliọnu mẹrinlelọgọfa naira.

Ẹni ti wọn f'ẹsun kan naa, nigba ti o de'waju adajọ, ti orukọ rẹ n jẹ A. A Akinyẹmi, sọ wipe ohun ko jẹbi ẹsun ti wọn fi kan ohun.

Latari ẹbẹ rẹ nile ẹjọ, agbẹjọro rẹ ke si ile ẹjọ lati sun igbẹjọ rẹ siwaju, ki o si wa ni atimọle ajọ EFCC titi ti wọn yoo fi gba ẹjọ beeli rẹ.

Adajọ Akinyemi gbọ si agbẹjọro naa lẹnu, o si wipe ki ẹniti wọn f'ẹsun ole kan naa o wa latimọle ajọ EFCC, titi wọn yoo fi gbọ ẹjọ beeli rẹ.

Adajọ sun igbẹjọ si ọjọ ẹti, osu keji, ọdun yii fun itẹsiwaju igbẹjọ naa.