Ọmọogun mu darandaran fulani mẹfa, wọn pa mẹwa ni Adamawa

Awọn afunrasi meje joko sori ilẹ Image copyright @HQNigerianArmy
Àkọlé àwòrán Nigba ti ina jo dori koko lori ikọlu awọn darandaran fulani ni ijọba apapọ gbe ikọ ologun dide labẹ akanse eto abo 'Ayem Akpatuma'

Ọwọ awọn ọmọogun ti tẹ awọn kọlọransi darandaran mẹfa kan ti wọn kọlu ileto Gwanbar ni ipinlẹ Adamawa.

Awọn darandaran fulani naa ni wọn ba dukia jẹ ti wọn si tun ti ina ile ni ileto naa ki ọwọ awọn ologun to tẹ wọn.

Awọn ologun mu awọn mẹfa ọhun lẹyin ti wọn ti pa mẹwa ninu wọn to gbiyanju ati ba awọn ọmọogun fibọn pẹẹta.

Image copyright @HQNigerianArmy
Àkọlé àwòrán Aimọye ẹmi lo ti ku lori ikọlu darandaran fulani ati agbẹ oloko lorilẹede Naijiria

Awọn eeyan ileto naa lo ke gbajare sita sawọn ọmọogun ọwọ kọkanlelọgọrun ileesẹ ọmọogun orilẹede Naijiria ti wọn n seto abo Ayem Akpatuma ti ijọba apapọ sẹsẹ ko lọ si agbegbe naa lati kapa gulegule ikọlu awọn darandaran fulani lagbegbe naa.

Amọṣa awọn amokunsika ẹda naa ti sa kuro ni ileto naa ki awọn ologun to de siblẹ.

Image copyright @HQNigerianArmy
Àkọlé àwòrán Laipẹ yii ni ọwọ awọn ọmọogun tẹ awọn darandaran fulani kan ni ipinlẹ Benue nibi to ti n ba oko oloko jẹ

Ọwọ tẹ mẹfa ninu awọn darandaran fulani naa nigba ti awọn ọmọogun naa tọpinpin wọn de ileto miran ti orukọ rẹ n jẹ Garigiji nibi ti wọn ti n gbimọran ati salọ mọ awọn ologun naa lọwọ.

Lara awọn ohun ija oloro ti wọn ka mọ awọn darandaran naa lọwọ ni ibọn atamatase AK47 kan, ọta ibọn mọkanlelogoji, ibsn atọwọda kan pẹlu ọta rẹ marundinlọgbọn tofimọ ada kan.

Awọn iroyin miran ti ẹ le nifẹ si: