Cancer: Ọjọ́ ‘Má wọ kọ́mú ló wà fún ìtanijí àrùn jẹjẹrẹ ọyàn

Obinrin kan ti ko wọ kọmu Image copyright Geneva_la_jade

Ọjọ Satide ni ọjọ kẹtala osu Kẹwa bọ si ni ọdun 2018, ti awọn obinrin si se ayajọ ọjọ ‘Ma se wọ Kọmu’.

Bẹẹ ba si gbagbe, osu Kẹwa ni awujọ agbaye ya sọtọ alti maa fi se itankalẹ iroyin lati dena ọwọja arun jẹjẹrẹ to ti di tọrọ fọn kale ni awujọ wa.

Bi ilẹ ọjọ Satide si ti mọ, ni awọn oju opo ikansira ẹni ti kun fun oniruuru aworan ti awọn obinrin, paapa awọn ọmọge, n fi sibẹ, eyi to n se afihan pe wọn n yan ilo Kọmu lodi ni ọjọ naa, ti wọn si wọn si se afihan asọ ti wọn wọ lai lo Kọmu.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionṢọla Allyson: Obìnrin tí kò bá rẹwà ni yóò máa ṣí ara sílẹ̀

Ayajọ ọjọ yii si ni awọn olulanilọyẹ nipa arun jẹjẹrẹ ọyan fi maa n gba awọn obinrin nimọran lati yan kọmu lodi, eyi ti yoo fun awọn akọsẹmọsẹ onimọ ilera nipa arun jẹjẹrẹ ni anfaani lati se ayẹwo ọyan wọn boya arun naa ti lugọ sibẹ abi bẹẹkọ.

Ọjọ Kẹtala osu Kẹwaa ọdọọdun yii naa tun ni awọn obinrin lawọn orilẹ ede kan maa n lo, lati fi se eto ikowojọ fun awọn onimọ iwadi isegun oyinbo lati se awari oogun ti yoo wa egbo dẹkun fun arun jẹjẹrẹ ọyan.

Awọn obinrin tun maa n sami ọjọ ‘Ma lo Kọmu’ yii nitori ọpọ wọn to ti lugbadi jẹjẹrẹ ọyan, lo nilo lati wọ kọmu lọna ati fi asọ bo oju egbo itọju ti wọn ti la kọja.

Image copyright @GovAyoFayose

Bakan naa, wọn tun n lo ayajọ ọjọ yii lati se iwuri ati koriya fun awọn obinrin lati lọ se ayẹwo ọyan wọn aibaamọ, ẹlẹkẹru arun jẹjẹrẹ ti lee sagọ sinu ọyan wọn, nitori igbagbọ wa pe ti wọn ba tete kẹẹfin kokoro arun jẹjẹrẹ ọyan yii, eyi yoo mu adinku ba ewu tiru obinrin bẹẹ lee koju, to seese ko mu okun ẹmi rẹ lọ to ba ya.

Bawo lawọn eeyan se sami ọjọ ‘Ma wọ kọmu’?

Ọpọ eeyan lo bọ sawọn oju opo ikansira ẹni lati sami ayajọ Ma lo kọmu yii, ti wọn si n la awọn eeyan lọyẹ ni oniruuru ọna lori awọn ọna ti wọn fi lee dena arun jẹjẹrẹ ọyan.

Lawọn oju opo Twitter, ilẹ kun. Bi awọn kan se n ya fọto lai wọ Kọmu ni awọn miran wa soju opo yii lati wa wo aworan awọn obinrin ti ko wọ kọmu.

Ni oju opo @GhanaCuties, ilanilọyẹ nipa arun jẹjẹrẹ ọyan lo wa nibẹ.

Bakan naa lo ri ni @BCCare, idanilẹkọ nipa arun jẹjẹrẹ lo wa nibẹ.

Koda, awọn ọkunrin to jẹ agbabọọlu gan ko gbagbe ayajọ ọjọ ma lo kọmu, gẹgẹ bo se wa ni @Regi_Maeco, ẹni to ya aworan bi oun ati ọrẹ rẹ se sami ọjọ Ma lo kọmu.

@iam_damayor, nibẹ lo ti ni awọn ọkunrin n duro de awọn obinrin lati mọ bi wọn yoo ti se ayajọ Ma lo kọmu.

Aisha Buhari, iyawo aarẹ orilẹede Naijiria sọrọ lori ayajọ awọn obinrin

Bi ajọ agbaye ti se ya ọjọ kẹjọ osu kẹta sọtọ gẹgẹbii ayajọ awọn obinrin lagbaye, oniruuru ọrọ igbaniniyanju lo ti n jade fun awọn obinrin lorilẹede naijiria bi awọn naa se n darapọ mọ ajọyọ naa.

Image copyright @aishambuhari
Àkọlé àwòrán 'A n fi asiko yii ronu lori isẹlẹ ibanujẹ jiji awọn ọmọbinrin wa gbe, paapaa julọ ni Dapchi ipinlẹ Yobe'

"Loni, mo ki awọn obinrin orilẹede Naijiria ku oriire ayajọ awọn obinrin.

Fun wa lorilẹede Naijiria, iyatọ nla ni ajọyọ ayajọ yii ba de. A n fi asiko yii ronu lori isẹlẹ ibanujẹ jiji awọn ọmọbinrin wa gbe, paapaa julọ ni Dapchi ipinlẹ Yobe. Asiko ni yi fun wa lati bọ si gbangba. Idi ni yi ti a fi mu akori # LeaveOurDaughtersAlone (to tumọ si ẹ fi awọn ọmọ wa silẹ) lati pe fun fifopin si ajalu nla yii pẹlu ireti wi pe wọn yoo gba itusilẹ."

Atiku Abubakar, igbakeji aarẹ orilẹede Naijiria nigbakanri.

Image copyright @atiku
Àkọlé àwòrán 'Mo n ke si awọn ọkunrin, awọn baba, awọn olori ẹsin ati ọrọ oselu gbogbo lati parapọ hu iwa gẹgẹ bii eniyan lati mu ayipada rere ba igbe aye awọn obinrin'

"Loni ti a n se ayajọ awọn obinrin lagbaye, mo n ke si awọn ọkunrin, awọn baba, awọn olori ẹsin ati ọrọ oselu gbogbo lati para pọ hu iwa gẹgẹ bii eniyan lati mu ayipada rere ba igbe aye awọn obinrin."

Sẹnatọ Bukọla Saraki, Aarẹ ile asofin agba orilẹede Naijiria.

Image copyright @NGRSenate
Àkọlé àwòrán 'Mo kan saara si awọn obinrin ti wọn ti ko ipa ribiribi ti wọn si tun si n ko ipa ribiribi ninu idagbasoke orilẹede wa-ni ẹka gbogbo'

"Loni, tii se ọjọ awọn obinrin lagbaye, mo ba awọn iya wa, aburo ati ẹgbọn wa lobinrin, awọn ọmọbinrin wa, ara ati ọrẹ lobinrin ti wọn n ji lojoojumọ lati rii wi pe ile aye dun un gbe fun tẹru tọmọ.

Mo kan saara si awọn obinrin ti wọn ti ko ipa ribiribi, ti wọn si tun si n ko ipa ribiribi ninu idagbasoke orilẹede wa ni ẹka gbogbo, ni ọna gbogbo ati ni gbogbo igba ninu itan wa."

Sẹnatọ Ike Ekweremadu, igbakeji aarẹ ile asofin agba lorilẹede Naijiria.

Image copyright @NGRSenate
Àkọlé àwòrán ' A ni lati maa kan sara si wọn fun isẹ takuntakun ti wọn n se ni ileesẹ ati ni ile'

" Ani lati maa fọnrere pataki awọn obinrin lojojumọ. A ni lati maa kan sara si wọn fun isẹ takuntakun ti wọn n se ni ileesẹ ati ninu ile. A n se koriya fun wọn lati tubọ maa du ipo asiwaju mu lorilẹede yii."

Bi a se nse ajọyọ yii, o se pataki ki awọn baba ati asiwaju wa gbogbo maa ranti lati rii pe awọn iya, iyawo ati awọn obinrin lapapọ n gba iyi to yẹ lai naani ipo tabi aaye ti wọn ba ara wọn."

Arẹgbẹsọla, Gomina ipinlẹ Ọsun, iwọ oorun gusu orilẹede Naijiria.

Image copyright @raufaregbesola
Àkọlé àwòrán 'A kan sara si awọn obinrin, awọn iyaa wa, iyawo wa, ẹgbọn ati aburo wa lobinrin fun itọju, ifẹ, iwa aforiti, ifarada, okun ati isedeede wọn'

"A kan sara si awọn obinrin, awọn iya wa, iyawo wa, ẹgbọn ati aburo wa lobinrin fun itọju, ifẹ, iwa aforiti, ifarada, okun ati isedeede wọn. Gbogbo obinrin lagbaye, mo ki yin loni ati lọjọ gbogbo."

Abiola Ajimọbi, gomina ipinlẹ Ọsun iwọ oorun gusu orilẹede Naijiria.

Image copyright @AAAjimobi
Àkọlé àwòrán ' awọn olori wa lati tubọ maa rii daju wipe a fi ẹyẹ ọwọ ati iyi to yẹ fun awọn iya wa, iyawo wa ati gbogbo obinrin lapapọ'

Bi a se n se ajọyọ yii, o se pataki fun awọn baba wa ati awọn olori wa lati tubọ maa rii daju wipe a fi ẹyẹ, ọwọ ati iyi to yẹ fun awọn iya wa, iyawo wa ati gbogbo obinrin lapapọ ni ipokipo tabi aaye kaaye ti wọn ba wa.

Image copyright @GovAyoFayose
Àkọlé àwòrán Gomina Fayose gbe ori le iyawo rẹ lejika nibi ajọyọ ayajọ awọn obinrin lagbaye nilu Ado Ekiti
Image copyright @AkinwunmiAmbode
Àkọlé àwòrán Iyawo gomina ipinlẹ Eko se ajọyọ ayajọ awọn obinrin lagbaye pẹlu awọn iyawo oloselu nilu Eko