Ẹ̀bùn ọ́kọ N303m: Fún ààbò ẹ̀mí ni àbí àbẹ̀tẹ́lẹ̀?

Ile igbimọ aṣọfin agba Image copyright @NigerianSenate
Àkọlé àwòrán Ẹnu ko sin lara Ile igbimọ aṣọfin apapọ paapa julo lori iye owo ajemonu ti wọn n gba

Ẹ gbọ́ ná, iru ẹ́mi wo la lee fi mílíọ́nù mẹ́tàlélọ́ọ̀dúnrún náírà dáàbò bo lorílè-èdè Nàìjíríà?

Ìbéèrè yìí ló ń tawọ́-tasẹ̀ nínú awọn ọmọ orilẹede Naijirià nígbà tí iroyin gbalẹ pe, Senato kan, Bassey Akpan, gbà ọkọ ayọkẹlẹ ti owo rẹ le ni ọ́ọ̀dúnrún mílíọ̀nù Náírà lọwọ oníṣòwò elépo robi kan, Babajide Ọmọkore, lati fí dáàbò bo ẹmi re.

Ọrọ naa ya yin lẹnu bii?

Àwọn iròyin tì ẹ leè ní ìfẹ̀ síí:

Loju opo itakun agbaye, awọn eeyan ti bẹrẹ si ni so èrò ọkan wọn lai fepo-bọyọ.

Lọwọ bi a se n ko ìròyìn yìí, Senato Akpan wa ni àhámọ́ lọdọ ile iṣẹ to n gbogun ti jegudujera lorílè-èdè Nàìjíríà, EFCC.

Iwé ìròyìn Punch so pé, EFCC gbe iwadi jade pe Akpan gbé iṣẹ agbaṣe fún Omokore nigba ti ọ jẹ Komisana ètò ìṣúná n'ipinle Akwa Ibom.

Image copyright FACEBOOK/Senator Oba
Àkọlé àwòrán Senato Akpan ni oun ati Omokore tin se ọrẹ bọ ọjọ ti pẹ

EFCC ni, abẹtẹlẹ ni àwọn ọkọ naa jẹ sugbon Senato Akpan fèsì pé, ẹbun ní àwọn ọkọ náà ti ''ọre òun Omokore" fi ta oun lọrẹ gẹgẹ bí ọrẹ sí ọrẹ ''.

''O ni ki n fi dáàbò èmí mi, kín sí lò wọn fún ìpolongo ìdìbò mi lodun 2014 ni ''

'Ìyapa láàrin àwa araalu àti awọn oloselu ti pọju''

Adetokunbo Mumuni, to je Olùdarí àjọ ajàfètọ́ ọmọnìyàn kàn lorílè-èdè Nàìjíríà, SERAP ní, òun ko ro wí pé lóòótọ́ ni Senato náà fe fi àwọn ọkọ naa doola ẹmi re.

O ni lópin igba ti awon alasẹ ko ba ka ààbò èmí ara ilu lapapọ kún, iru ìṣẹlẹ bayi ko ni ye máa wá yẹ.

Ọ tèsíwájú pé, inú ará ìlú kò dùn sí bí àwọn tó di ipò mu ti ṣe n gba owo tabua, ti àwọn ará ìlú mi kò sí ri oúnjẹ jẹ.

Image copyright @ShehuSani
Àkọlé àwòrán Shehu Sani tu kẹkẹ ọrọ silẹ lori iye owo ti awọn asofin Naijiria n gba

Laipe yi ni Sẹnatọ kan, Shehu Sani tu asiri awọn asofin nipa miliọnu mẹtala ati aabọ naira ti wọn gba lososu.

Eyi naa kun idi ti awon omo Naijiria fi n kominu lori ohun to mu Senato Akpan gba ọkọ ayokele lati fi daabo bo ẹmi re

Ọgbẹni Adetokunbo Mumuni wa lara awọn to faraya:

''A ní ki wọn wà jẹun ní ṣùgbọ́n n'isẹ ni wọn mú wà lọwọ sí lẹ. Mo mọ wí pé àwọn ọmọ orílèèdè yii n kẹ ìrora ṣugbọn ariwo won ko ti lagbara dé ibi kí wọn mu iyipada wa.''

O wa parọwa si ara ilu pe ki wọn má kaare ọkan nipa ijiroro eleyi ti yóò ''pé àkíyèsí sí bí wọn ti ṣe lè mú ìyípadà wa.''

Àwọn iròyin tì ẹ leè ní ìfẹ̀ síí: