Buhari ní àìmú ẹ̀kọ́ ẹ̀sìn lò ló ń fa ìwà ìbàjẹ́ láwùjọ

Muhammadu Buhari Image copyright Nigeria Presidency
Àkọlé àwòrán Ààrẹ Buhari rọ àwọn Mùsùlùmí láti tẹsiwaju ninu iṣẹ rere ṣiṣe lẹyin Ramadan

Aarẹ Muhammadu Buhari ti rọ awọn musulumi Naijiria lati maṣe gbagbe ẹkọ ti wọn kọ lasiko aawẹ oṣu Ramadan to pari.

Ninu ọrọ ikinni ku ọdun itunu aawẹ to fi ranṣẹ sawọn musulumi lorilẹ-ede Naijiria ni Aarẹ ti sọ ọrọ yii.

Àwọn iròyin tì ẹ leè ní ìfẹ̀ síí:

Aarẹ Buhari ni ọpagun lo yẹ ki ẹsin jẹ fun iwa awọn to ba gbagbọ lati ṣe atọna fun igbe aye wọn ni gbangba ati ni kọọrọ.

"Bi awọn eeyan ba gba ẹkọ ẹsin wọn laaye lati maa ṣe atọna fun ihuwasi wọn, awọn iṣoro bii iwa ijẹkujẹ eleyii to n ko owo ilu lọ si apo awọn eeyan kan yoo ti di itan lawujọ."

Aarẹ Buhari ni lẹyin ti wọn ti pari 'oṣu to ni ipa pataki nipa ti ẹmi lori ifara ẹni jin' yii, ki awọn musulumi o ronu lori pataki oṣu Ramadan ki wọn le di aṣoju rere fun ẹsin Islam ni gbogbo igba.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionGbolahan Kabiawu: Fífi ẹ̀jẹ̀ sílẹ̀ dára fún ẹ̀yà ara