Buhari: Mo gbọdọ̀ lọ́ra kàwé, kí ń tó buwọ́ lùú
Image copyright
Muhammadu Buhari/Facebook
Ààrẹ Muhammadu Buhari ti gbá àwọn èèyàn tó ń pèé ní bàbá go slow pe òun ń lọ́ra láti buwọ́ lu ìwe kankan nítorí èèyàn kìí kánjú lá ọbẹ̀ gbóná.
Buhari ní òun kò tètè fọwọ́sí ìwé àdéhùn lóríi ètò ìdókówó ọ̀fẹ́ jádè-jádò àgbáyé, nítorí pé òun lọ́ra láti kàwé.
Buhari kéde ọ̀rọ̀ yìí lásìkò tó ń gbàlejò ààrẹ orílẹ̀-èdè South Africa, Cyril Ramaphosa.
Àwọn iròyin tì ẹ leè ní ìfẹ̀ síí:
Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
"A gbọ́dọ̀ sọra nípa bíbu ọwọ́ lu àwọn ìwé àdéhùn tí yóò bá figa-gbága pẹ̀lú ètò ìgbani-sísẹ àti kárà-kárà ọjà ní orílẹ̀-èdè yìí, tó sì tún leè se àkóbá fún àseyọrí àwọn iléesẹ̀ ńlá-ńlá gbogbo nílẹ̀ yìí."
"Mo lọ́ra láti kàwé, bóyá nítorí pé mo jẹ́ ajagun-fẹ̀yìntì ni. Èmi kìí tètè kàwé lásìkò, màá sì kàá dáa-dáa kí ń tó buwọ́ lùú."