Ijamba reluwe: Bọọsi kan to duro soju irin reluwe lo fa sababi

Ọ́kọ bọọsi to jona ni oju rin pẹlu awọn eeyan miran Image copyright LASTMA
Àkọlé àwòrán Bọọsi kan to duro soju irin reluwe lo fa sababi ijamba naa

Eeyan mẹjọ ti di ero ọrun ni aarọ ọjọ Ẹti, nigbati ọkọ reluwe kan kọ lu ọkọ akero kan ni adugbo Agege.

Ijamba ọhun, to see dena lo waye nigba ti ọkọ akero kan duro si oju ọna reluwe.

Image copyright LASTMA
Àkọlé àwòrán An osi panpana ti wa nibi i naa lati palẹ ajoku ọkọ mọ

Nigba ti reluwe fọn pe ko kuro nibẹ́, wadu-wadu to n se lo mu ki awakọ naa fi ọkọ rẹ si rifaasi lai mọ, to si mu ki reluwe naa kọlu.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionSmall Doctor: Omi ń bọ́ lójú mi tí mo bá rántí ìbẹ̀rẹ̀ mi

Ijamba naa si lo mu ki ọkọ akero naa gbina, amọ ori ko awọn ero to wa ninu rẹ yọ.

Nigba to n fi idi isẹlẹ ọhun mulẹ fun BBC Yoruba, ọga agba fun ajọ to n se akoso oju popo nipinlẹ Eko, LASTMA, Ọgbẹni Ọla Musa salaye pe lootọ ni isẹlẹ naa waye.

Ẹni kan to sọ nipa isẹlẹ naa loju opo twitter rẹ @Oshofaze, to ni isẹlẹ naa soju oun,lo kede pe eeyan mẹjọ lo ku.

Igba akọkọ kọ ree ti irufẹ ijamba ọkọ oju irin yoo maa waye ni agege. Bẹẹ ba si gbagbe, bakan naa ni irufẹ isẹlẹ yii waye lọdun 2017 nigba ti ọ̀kọ oju irin naa ya kuro loju opo rẹ.

Image copyright LASTMA
Àkọlé àwòrán Igba akọkọ kọ ree ti irufẹ ijamba ọkọ oju irin yoo maa waye ni agege

Amọ o ni oun ko tii lee sọ ni pato, iye eeyan to ba isẹlẹ naa rin.

Nibayii na, ajọ Lastma tisisẹ lati mu ki ohun gbogbo pada bọ sipo lagbegbe naa.