Dino fàgilè ìfilọ́lẹ̀ àti ìsìn idupẹ

Aworan Seneto Dino Image copyright @dino_melaye
Àkọlé àwòrán Ọrọ kìí sì lẹyìn alábahun Dino Melaye

Sẹ́nètọ̀ tó ń sojú ẹkùn ìdìbò ìlà oórùn Kogí, Dino Mélayé ti fàgilè ìfilọ́lẹ̀ akanse ise àti ìsìn idupe to ye ki o se fun awọn eeyan ẹkun idibo rẹ.

Agbẹnusọ fun Sẹ́nẹ́tọ̀ DIno Mélayé, Gideon Ayọ̀délé lo lede oro yi fún BBC Yorùbá ninu iforowanilenuwo kan lori ẹro ibanisọrọ.

Gideon sọ wipe ìgbésẹ náà wáyé nítorí ìpeníjà ààbò ẹmi Seneto Dino.

Gẹgẹ bi oun ti Gideon sọ, o ní pẹlu bi àwọn kan ṣe sọnà sí ileewe méjì ti Dino fe se ìfilọ́lẹ̀ wọn, àwọn ṣì tẹsíwájú pẹlú eto náà lọjọ kejidinlogun osu yii.

Ṣugbọn bi idunkoko mọni lati odo àwọn ọlọpa ti ṣe peleke ló mú kí Seneto Dino yí èrò pada láti fagile eto ìsìn idupẹ ati apejẹ to yẹ ko waye ni Aiyetoro Gbede

Nígbà tí BBC bẹrẹ lọwọ Gideon boya Seneto Dino ṣì wà ní ipinle Kogi,o kọ láti fèsì.

O ni ọrọ náà nise pẹlú ààbò ẹmi Seneto Dino.

Lọjọru ni àwọn afurasi Janduku kan lọ dana sun awọn iṣẹ akanṣe ti Senetọ Dino Melaye fẹ ṣí.

Ile iwe awọn akẹkọbinrin ti agbegbe Sarkin-Noma ni Lokoja atile iwe alakọbẹrẹ ti LGEA ni Lokogoma ni wọn bajẹ.