Afẹnifere: Omisore kò jẹ́ ká mọ ìgbésẹ̀ rẹ̀ nínú ìdìbò Oṣun

Aworan ipade itagbangba BBC Yoruba
Àkọlé àwòrán Ẹgbẹ́ ọmọ Yoruba lápaapò, Afenifere tí kòwé lọ gbé ilé rẹ fún Sẹnetọ Omisore fún ọdún kan lórí ipa tó kó lásìkò ìdìbò gomina ni Ọsun.

Ẹgbẹ Afẹnifẹre to n soju ọmọ Yoruba lapapọ ti ni awọn le oludije sipo gomina labẹ ẹgbẹ oselu SDP, Sẹnetọ Iyiola Omisore fun ọdun kan nitori ko fi inu han wọn lasiko idibo sipo gomina to waye ni ipinle Osun.

Ọkan lara awọn adari ẹgbẹ Afẹnifẹre, Oloye Korede Duyile, ṣalaye fún BC Yoruba ni kikun lori bi wọn se kọwe lọ gbe ile rẹ fun Sẹnetọ Omisore fun ọdun kan.

Duyile sọ pe asa ati ise ti ẹgbẹ Afenifere dirọ mọ fayegba ki ọmọ ẹgbẹ o bere imọran lọwọ awọn adari ẹgbẹ lori ọrọ to ba niise pẹlu gbogbo ọmọ Yoruba.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionAdetoun Ogunṣẹyẹ: ìrìnàjò ẹ̀kọ́ mi títí dé òkè kò rọrùn rárá

Ẹsun ti wọn fi kan Omisore ni pe ẹgbẹ Afenifere ye ki wọn mọ gbogbo igbesẹ to gbe lasiko idibo ni ipinlẹ Osun , ṣugbon Omisore kọ lati se bi o ti yẹ ki o se e.

O fikun wi pe ahesọ ni gbogbo ohun ti awọn eniyan n sọ wi pe nitori Omisore se iranwọ fun ẹgbẹ Oselu APC ni ẹkun idibo Guusu Ile-Ife ati ijọba ibilẹ Ariwa ipinlẹ Ọsun.

Ẹgbẹ Afẹnifẹre naa wa fikun wi pe awọn ko i ti i sọ ẹni ti awọn yoo basẹ ninu idibo gbogboogbo ti yoo waye ni ọdun 2019, ati wi pe ahesọ ni iroyin pe ẹgbẹ oselu APC ni awọn fẹ dibo fun ni idibo gbogboogbo ti ọdun to n bọ.

Amọ gbogbo igbiyanju BBC Yoruba lati ba Sẹneto Iyiola Omisore sọrọ lati fesi si ẹsun naa lo jasi pabo.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption#Adetutu Alabi OJ: Mo ti gba kámú lórí ilà ojú mi

Omiṣore bá APC lọ, ó gbà'lejò akọ̀wé ìjọba àpapọ̀

Oludije si ipo gomina ipinlẹ Ọṣun labẹ ẹgbẹ oṣelu PDP ti o n siwaju ninu idibo naa Ademola Adeleke ti sọ pe ata ika ti ko ran ikọ ni ọrọ ti oludije si ipo gomina labẹ asia ẹgbẹ oṣelu SDP Iyiọla Omiṣore sọ pe ẹgbẹ APC l'oun yoo satilẹyin fun ninu atundi ibo Gomina ipinlẹ Osun ti yoo waye l'Ọjọbọ.

Adeleke sọ pe Omisore kosi pẹlu PDP nigba ti awọn jawe olubori ninu idibo ọjọ Abamẹta to lọ, o fi kun ọrọ rẹ pe ẹgbẹ PDP ko ba ni bi ibo ẹgbẹrun marun un si ṣugbọn mọgomọgo ni ko jẹ.

Lẹnu ọjọ mẹta yi ni iroyin orisirisi ti n ja ranyin lori ẹgbẹ ti yoo gbe lẹyin ninu atundi ibo Gomina Osun .

Àkọlé àwòrán Ọpọ eeyan lo ti n reti ibi ti Omisore yoo fi adagba atilẹyin rẹ rọ si ninu atundi ibo Gomina ipinlẹ Osun

Alaye to se fun igbesẹ naa ni wi pe ẹgbẹ oselu APC ni erongba rẹ papọ mọ ti ẹgbẹ SDP ti wọn si ti fi da oun loju wi pe awọn yoo tele adehun lati mu awn adisokan won yi sẹ.

Àbẹ̀wò àwọn èèkàn APC kò tíì dáwọ́ dúró

Ní ọ̀sán Ọjọ́rú ni akọ̀wé ìjọba àpapọ̀, Boss Mustapha náà bẹ Omisore wo nile rẹ lẹyin ikede rẹ pe APC ni oun n ba lọ. Akọ̀ròyin BBC to wa nibi abẹwo gbiyanju lati wadii boya Mustapha wa jiṣẹ Aarẹ Muhammadu Buhari ni, ṣugbọn ko si aridaju ni asiko ti iroyin yi wọle.

Mustapha sọ fun awọn oniroyin wipe abẹwo naa ni lati fidi rẹ mulẹ pe aṣiwaju ni Omisore jẹ ni Osun ati orilẹede Nigeria.

Omisore naa dahun wipe oun ṣe ipinnu lati wa ilọsiwaju ni awujọ ṣugbọn pe kii ṣe pe oun fi SDP silẹ lọ APC.

Kínni ìlérí tí APC ṣe fún Omisore?

Ohun tí ọ n tẹ BBC Yoruba leti n'ipe yatọ si iwe adehun ajumose ti ẹgbẹ oṣelu SDP gbe ka iwaju APC, ẹgbẹ oṣelu naa tun se ileri ipo Sẹnetọ kan, ipo ile aṣoju aṣofin meji, komisona meji bi oyetola ba Wọle ati ipo ile aṣofin mẹrin fún un.Nigba ti BBC Yoruba béèrè ọrọ yìí lọwọ Omisore, ọgbọn tí Ọga ẹdà fi n sa fún ẹlẹwọn to ba buru lo fi yẹba fún ìbéèrè náà.Ni bi a ṣe n sọrọ yii, ileesẹ ipolongo ibo fún Sẹnetọ Adeleke tabi ẹgbẹ oṣelu PDP ko tii sọ ohunkohun lori rẹ.

Àkọlé àwòrán Fayẹmi ko sọ ohunkohun to jọ mọ atundi ibo gomina Osun

Lọwọ yii, ikede yii ti dabi ẹni pin ìpinnu awọn ọmọlẹyin rẹ àti ọmọ ẹgbẹ oṣelu SDP sí ọtọọtọ nitori bi awọn kan ṣe n kọrin"ibi ọ bá lọ lá n lọ" fún un l'awọn miran n royin ohun oju ti ri ti ko lee mu ki awọn fara mọ irufẹ ètò bẹẹ."Àpá àdá ṣi ǹ bẹ lara mi. Awọn APC ni wọn dá ogbe simi lara ti wọn sì tún ba mọto mi jẹ, APC ọhun ni wọn tun ni ki a ti lẹyin emi ọ ṣe ọ!" ni ariwo ti ọkan lára àwọn ọmọlẹyìn agba oṣelu naa n pa ni gbagede ile oloṣelu naa lẹyin to gbọ iroyin ọhun.

Ti a ko ba gbagbe,laip e yi ni Gomina ti wọn dibo yan ni ipinlẹ Ekiti,Ogbẹni Kayode Fayemi se abẹwo si Iyiola Omisore lai tii pe wakati mẹrinlelogun ti aare ile igbimọ aṣofin agba, Bukọla Saraki ba Omiṣore lalejo lori atundi ibo ti yoo waye lọjọbọ ni awọn ibudo idibo bii meje otọọtọ nipinlẹ Ọsun.

Ninu ọrọ rẹ pẹlu awọn oniroyin lẹhin ipade bonkẹlẹ ti wọn ṣe, Fayemi ni ipade naa ko ni ohunkohun ṣe pẹlu ọrọ oṣelu, bikoṣe abẹwo lasan.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionFayẹmi bá BBC sọ̀rọ̀ ní kété tó di gómìnà Ekiti

Minisita tẹlẹri ọhun fi kun ọrọ rẹ wipe ana oun ni Omisore, bẹẹ sini ko si ohun to buru ninu ki a ṣe abẹwo si ana ẹni.

"Njẹ ẹyin ko mọ wipe ana mi ni Omiṣore? Igba ti o ba si wu mi ni mo le ṣe abẹwo si ana mi"

Fayẹmi ko sọ ohunkohun ti o jọ mọ atundi ibo gomina ipinlẹ lasiko to n dahun ibeere awọn oniroyin nibi abẹwo naa.

Ẹwẹ, oludije si ipo gomina ninu ẹgbẹ oṣelu SDP, Iyiọla Omiṣore ṣi yẹnu mọ ọrọ rẹ wipe ijọba ti yoo ṣe anfani fun awọn eeyan ipinlẹ Ọṣun ni yoo ri ojurere oun gba ninu atundi ibo si ipo gomina ipinlẹ Ọṣun.

Omiṣore fi kun ọrọ rẹ wipe ẹgbẹ ti o ba ni ifojusun iṣejọba rere gẹgẹ bii ti ẹgbẹ oun(SDP) ni yoo ri atilẹhin gba ninu atundi ibo si ipo gomina ti yoo waye lọjọbọ.

Àkọlé àwòrán Fayẹmi ko dahun ibeere awọn oniroyin nibi abẹwo naa.

Ọjọ Aje ni Aarẹ ile igbimọ aṣofin agba Bukola Saraki ṣe abẹwo tirẹ si Omisore nile rẹ ni Ile-Ife ni ọjọ Aje, eyi to fi han pe ootọ wa ninu ahesọ pe ẹgbẹ oṣelu PDP n wa iranlọwọ rẹ fun atundi ibo ti yoo waye ni ọjọ Ojọbọ.

Kí ipade naa to waye ni ni Omisore sọrọ lori esi idibo to waye ni Osun ni Satide to kọja.

Ninu atẹjade kan to fi sita ni ọjọ Aje, Omisore, ti o ṣe ipo kẹta ninu esi idibo ti ajọ INEC kede ni owurọ ọjọ Aiku, ni ipolongo ibo oun lo mu ki awọn ijọba Ipinlẹ Osun tete san lara owo oṣu ti wọn jẹ.

Omisore ni oun mọ wipe wọn tun ti fi owo ra ibo awọn ara ilu ti wọn si lo ebi to n pa awọn eniyan lati ra ibo.

O ni, "Mo dupe lọwọ gbogbo eniyan to fẹ ijọba to dara fun iṣẹ takuntakun wọn. Bó tilẹ̀ jẹ́ pe ó dàbí ẹni pé òun já kulẹ̀ nínu ìdìbò naa, a gbé igbá orókẹ̀ nínú ìpè fún ìjọba tó tọ́.

"A tun gbe igba oroke ninu ijakadi yii lọna ti eti ko gbọ ri ni ipinlẹ yii.

"Mo dupẹ lọwọ Ooni ti Ife, awọn lọbalọba, ijoye ilu ati awọn ara Ife. A o tẹra mọ iṣẹ fun idagbasoke ara ilu. O ni ẹgbẹ oun, SDP, ko ni fi Ipinlẹ Osun silẹ fun awọn jẹgudujẹra.

Ipade Omisore ati awọn oludije meji

Ko si ẹni to gbọ iroyin naa ti ko yanu lati gbọ pe ẹgbẹ mẹta gboogi ninu awọn ẹgbẹ ninu awọn mejidinlaadọta ti yoo kopa ninu idibo sipo gomina ti yoo waye nipinlẹ Ọsun lọjọ satide ṣe ipade bonkẹlẹ loru ọjọru nilu Osogbo.

Oniruru ahesọ ọrọ lo waye lori ohun ti Fatai Akinbade ti ẹgbẹ oṣelu ADC, Moshood Adeoti ti ẹgbẹ oṣelu ADP ati Iyiọla Omiṣore ti ẹgbẹ oṣelu SDP fẹ sọ ni ko ye awon eeyan.

Ibeere ti o n gba ẹnu ọpọ ni pe abi meji ninu awon oludije yii fẹ tẹ fun ni ọkan ninu wọn ni?

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOmiyalé Àkútè: N50 si N100 làwọn èèyàn fi ń kọjá lórí ẹ̀kún omi l‘Ákútè

Koda, ki a to wi, ka to fọ, iroyin ti kan de ile ipolongo ibo ọkan ninu wọn pe, wọn ti gba lati ṣiṣẹ fún ọkan ninu wọn.

Amọṣa ninu ọrọ to ba BBC Yoruba sọ, agbẹnusọ fun ikọ ipolongo Moshood Adeoti ti ẹgbẹ oṣelu ADP, salaye pe, ohun to fa ìpàdé naa ko ṣeyin bi wọn yoo ṣe fopin si iwa janduku ati madaru lasiko idibo naa.

"Ko si eyikeyi ninu awọn Oludije mẹtẹẹta to tẹ fun ọkan. Ohun to waye ni ifowosowopo ati ifohunsokan laarin wọn, lọna ati lee gbogun ti iwa ibo rira ati eru sise eleyi ti awọn oludije kan pẹlu ti n pete rẹ."

Bakan naa ni ileesẹ ipolongo oludije fún ẹgbẹ oṣelu SDP, Iyiọla Omiṣore pẹlu fidi ọrọ naa múlẹ.

Ọkan pataki lara awọn ọmọ ẹgbẹ oṣelu PDP nipinlẹ Ọṣun ni oloye Fatai Akinbade koda o wa lara awọn oludije mẹrin to kopa ninu idibo abẹnu lati yan oludije fun ipo gomina labẹ aṣia ẹgbẹ oṣelu PDP.

Fatai Akinbade ninu iwe to kọ lati fi ẹgbẹ oṣelu PDP silẹ ṣalaye pe abajade esi idibo abẹnu naa ninu eyi ti o ti ni ibo mejilelaadọta lo fa oun si irin lati fi ẹgbẹ oṣelu naa silẹ.

Àwọn iròyin tì ẹ leè ní ìfẹ̀ síí:

"Lẹyin ti mo ti rii pe o dabi ẹni pe awọn adari ẹgbẹ oṣelu yii ko fẹ mi mọ tabi pe wiwa ti mo wa lẹgbẹ yii n dooru mu wọn ni mo fi gbe igbesẹ yii. Ero mi lori awọn nnkan wọnyii wa fidi mulẹ lasiko idibo lati yan oludije fun ipo gomina eleyi ti o waye laipẹ yii."

Fatai Akinbade kọ ni oloṣelu akọkọ ti yoo fi ẹgbẹ oṣelu rẹ silẹ lẹyin eto idibo lati yan awọn oludije fun ipo gomina l'Ọṣun.

Àkọlé àwòrán Moshood Adeoti naa ti kọwe fi ẹgbẹ oṣelu APC silẹ lori ẹsun to fi ara jọ ti Akinbade, to si gba ẹgbẹ oṣelu APD lọ

Ṣaaju ni akọwe ijọba ipinlẹ naa tẹlẹ, Moshood Adeoti naa ti kọwe fi ẹgbẹ oṣelu APC silẹ lori ẹsun to fi ara jọ ti Akinbade, to si gba ẹgbẹ oṣelu APD lọ.

Awuyewuye n lọ lọwọ lori esi idibo abẹnu PDP pẹlu bi Akin Ogunbiyi to ṣe ipo keji ninu idibo ọhun ṣe ti n f'apa janu bayii pe ohun lo bori ninu idibo naa.