Sebótimọ Ẹlẹ́wà Sàpọ́n - Ó ń rọ̀ wá láti má se kọjá agbára wa

Awọn obinrin to n se ounjẹ Image copyright AFP
Àkọlé àwòrán Òwe Sebótimọ Ẹlẹ́wà Sàpọ́n ló bẹ̀rẹ̀ lọ́dọ̀ obìnrin kan tó ń ta ẹ̀wà ní ìlú Abẹokuta.

Oniruuru owe ati asamọ lo wa nilẹ Yoruba.

Wọn maa n fi eyi parọwa fun wa, kọ wa lọgbọn, fun wa loye, to si tun maa n tọ wa sọna ninu igbe aye wa lojoojumọ.

Ọkan lara awọn owe to n parọwa fun wa ni "Ṣebotimọ Ẹlẹwa Sapọn", awọn ohun to si yẹ ka mọ nipa owe naa ree:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption'Àwa táa jẹ́ alágbàtọ̀ gan, èèyàn ni wá, ẹ ye ṣe wa bí ẹranko'

Itan nipa owe ‘Sebótimọ Ẹlẹwa Ṣàpọ́n

Obinrin kan wa nilu Abẹokuta to n ta ẹwa sise ni adugbo Sàpọ́n nilu Abẹokuta, tii se olu ilu nipinlẹ Ogun bayii.

Obinrin ẹlẹwa yii mọ ounjẹ naa se debi pe awọn eeyan maa n pe biba sọdọ rẹ lati du ẹwa rẹ ra ni.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionIba Gani Adams: Bẹ́ẹ gbé màláíkà kan lọ sí Aso Rock, kò lè ṣàṣeyọrí

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionTọkọ-taya Aràrá: Àwọn èèyàn máa ń wò wá, ta bá fa ọwọ́ ara wa ní títì

Agbada ikoko nla kan lo maa fi n se ẹwa fun tita, to si n jẹ ere rẹpẹtẹ nibẹ lojoojumọ.

Koda, nibi ti ẹwa rẹ dun, to si tun jẹ itẹwọgba de, awọn onibara rẹ maa n ra ounjẹ naa ni awin, lai sanwo ti owo ba sa fẹrẹ lapo wọn.

Nigba to ya, oju aanu n pa obinrin ẹlẹwa yii ku lọ, tori ọpọ gbese tawọn eeyan jẹ ẹ, ko jẹ ko ri owo ta ọja mọ, ti odiwọn ikoko ẹwa to n se si n din ku lojoojumọ.

Niwọn igba to si jẹ pe alatise ni yoo mọ atise ara rẹ, eyi lo mu ki ẹlẹwa Ṣapọn da ọgbọn ti awọn onibara rẹ ko fi ni gba igba lori rẹ, nipa rira ọja rẹ lawin.

Ti onibara kan ba si tọ obinrin naa wa pe oun fẹ ra ẹwa sise rẹ ni awin, iya ẹlẹwa yii yoo sọ fun pe ko ma ra ẹwa lawin, se ni ko ra iye ẹwa ti owo rẹ ka lai jẹ gbese.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOndo: Dejí sun ọmọ méje àtagbalagba meji mọ́lé nítorí pé ó ń bínú
Image copyright @irdafrika
Àkọlé àwòrán Agbada ikoko nla kan lo maa fi n se ẹwa fun tita, to si n jẹ ere rẹpẹtẹ nibẹ lojoojumọ.

Esi to si saaba maa n fọ jade fun wọn, lati rọ wọn ki mase ra ẹwa lawin ni pe "Ṣe bo ti mọ", eyi to tumọ si pe mase ra kọja iye owo too ni lapo bayii.

Bi ọjọ se n gori ọjọ, ti oṣu si n gori oṣu, lawọn eeyan ba sọ di owe ati aṣa obinrin ẹlẹwa naa.

Ki wọn si to beere ọja awin lọwọ rẹ, ni wọn ti mọ esi ti yoo fi da wọn lohun.

Ọrọ yii si ni wọn fi maa n sa obinrin naa pe "Ṣe bo ti mọ, Ẹlẹwa Ṣapọn". Diẹ-diẹ si ni owe naa gbilẹ, to si di itẹwọgba titi di oni.

Itumọ owe yii lo si n parọwa si ẹni kọọkan wa pe ka ma se kọja agbara wa, ka maa se ohun gbogbo ni iwọntun wọnsi, iwọn eku ni iwọn itẹ, ka maa baa maa jẹ gbese kiri, eyi to lee mu itiju ati ipaya de ba ni.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOlusegun Obasanjo: Ọmú ìyá mi ti mo fi ń mùkọ ni kekere ló jẹ ki ń lókun

Ta ni Ẹlẹwa Ṣapọn?

  • Orukọ ẹlẹwa Ṣapọn ni Amudat Janeth Ewusi Ọdẹsọla.
  • Ọdun 1925 ni wọn bi ẹlẹwa Ṣapọn sile aye.
  • Ile ẹkọ alakọbẹrẹ Methodist to wa ni adugbo Ijokoo nilu Abẹokuta lo lọ, ko to bẹrẹ owo sise.
  • Ẹwa lo n ta tẹlẹ ko to maa se ẹwa ta lọdun 1951.
  • Tọba-tijoye, olowo ati mẹkunnu lo maa n ra ẹwa sise rẹ fun jijẹ.
  • Ọdun 1995 lo dawọ okoowo ẹwa tita duro lẹyin to ti ta ẹwa ni adugbo Ṣapọn fun ọdun mẹrinlelogoji.
  • Nkan ko daa to fun obinrin yii lasiko naa, to si ta ile kan soso to ni, ni ẹgbẹrun lọna ogun naira lọdun 1994, to si lọ ya ile gbe.
  • Lọdun 2013, nigba ti obinrin naa wa lẹni ọdun mejidinlaadọrun, o n beere fun iranwọ awọn oninure, ko to lee sanwo itọju nile iwosan, ko si tun ri ọwọ mu lọ sẹnu.