Kenyan Woman: Aláboyún fi bílédìì gbé ọmọ jádé nínú ara a rẹ̀ ní Tanzania

Iya kan ati ọmọ tuntun Image copyright Getty Images
Àkọlé àwòrán N ṣe ni Joyce mu bileedi, to si fi la ara a rẹ ni ikun ko to o gbe ọmọ tuntun naa jade.

Ileesẹ ọlọpaa orilẹ-ede Tanzania ti fidirẹmulẹ pe, lootọ ni arabinrin alaboyun kan ṣe iṣẹ abẹ fun ara rẹ, lati gbe ọmọ inu rẹ jade.

Obinrin naa, ẹni ọgbọn ọdun, Joyce Kalinda ni wọn sọ pe, o sọ ara rẹ di onimọ iṣegun oyinbo ọsan gangan, to si gbẹbi ara rẹ.

N ṣe ni Joyce mu bileedi, to si fi la ara a rẹ ni ikun, ko to o gbe ọmọ tuntun naa jade.

Ọjọbọ, ọgbọnjọ, oṣu Karun un, ọdun 2019, ni iṣẹlẹ yii waye ni ilu Kirando, to wa ni ẹkùn Rukwa l'orilẹ-ede Tanzania.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionMyanmar: kékeré ni wọ́n ti n kọ́ àwọn ọmọ nípa ọ̀nà oge ṣiṣe

A gbọ pe wọn ti kọkọ gbe obinrin naa lọ sileewosan ilu Kirando fun itọju ko to o bimọ.

Amọ, ṣe lo sa kuro nileewosan, to si pada sile.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption67 year old mother: Mo kojú ọ̀pọ̀lọpọ̀ àìsàn fún ọdún 35 lẹ̀yín ìgbéyàwò

Igba to de ile lo ran ọmọ rẹ to kere julọ lati lọ ọ pe ẹgbọn oun kan wa, ni adugbo ti ko jinna si wọn.

Ni kete to si ku oun nikan sinu ile, lo mu bileedi, to la ikun ara rẹ, to si gbe ọmọ tuntun jade.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionBarister lo bi gbogbo oníṣẹ́ fújì -Oṣupa

Igba ti ọmọ to ran niṣẹ pada de, lo ba iya rẹ ati ọmọ tuntun ninu ile, eyi lo si mu ko pariwo 'ẹ gba mi' si awọn alajọgbelepọ wọn fun iranlọwọ.

Wọn si pinnu lati gbe e pada sileewosan to ti sa kuro.

Ọmọ kẹjọ ti obinrin naa yoo bi niyii.

Igbesẹ arabinrin yii ti fa n ha-hin ni agbegbe naa.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionOndo: Dejí sun ọmọ méje àtagbalagba meji mọ́lé nítorí pé ó ń bínú