Eid el Kabir: Ọjọ́ márùn-ún ló ṣe kókó nínú iṣẹ́ Hajj

Awọn eeyan to n sisẹ Hajj Image copyright @tabir

Nibayii ti ọdun ileya n kan ilẹkun, ti awọn musulumi to wa ni orilẹede Saudi Arabia si n gbaradi lati gun oke Arafat, o yẹ ka la ara wa lọyẹ lori ohun ti isẹ Hajj wa fun, ati bi wọn se n se e ki wọn to pe eeyan ni Alhaji abi Alhaja.

Lootọ ọdọọdun ni awọn musulumi jakejado agbaye máa n peju sí orilẹede Saudi láti kópa nínú ìjọsìn fun eto Hajj sugbọn iye ọjọ ti wọn fi n ṣe eto Hajj yii gan kò fẹ jù ọjọ márùn ùn lọ,

Àwọn iròyin tì ẹ leè ní ìfẹ̀ síí:

Ọna làti ṣètò fawon obitibiti èèyàn tó máa n kópa nínú ìjọsìn yíi, ni àwọn aláṣẹ ilẹ Saudi se fi ọjọ pupọ sílẹ saaju àti lẹyìn eto Hajj, kí gbogbo ètò bàa lè lọ ní irọwọrọsẹ.

Image copyright @IzetQuotes

Fún ẹni tó bá lọ̀ fun Hajj, àwọn iṣẹ kan ṣé kókó tí wọn gbọdọ kopa nínú rẹ tí Hajj náà bá fẹ jẹ itẹwọgbà, ní meni méjì, àwọn iṣẹ náà ree pẹlu àlàyé ṣókí.

Isẹ́ to se koko lati ṣe ni Hajj:

1)Wíwọ aṣọ Harami:

Ihram ní wọn máa n pé aṣọ funfun ti awọn alalaaji máa n wọ lásìkò Hajj.

Bi èèyàn yóò bá kópa nínú Hajj, o di dandan fún àwọn ọkùnrin láti wọ asọ yí nikan lásìkò tí wọn yóò fi ṣé ìjọsìn.

Lásìkò tí wọn bá wà ni Oke Arafat, aṣọ yíi nikan ni wọn yóò wọ títí ti won yóò fi sọ oko tán lọjọ kejì.

Arafat ní ayé kan ti won n pé ni Jamrah.

Bi wọn bá soko tán lọjọ yii, ti wọn sì fà ori wọn, wọn lè e bọ asọ naa kuro lara, sugbọn awon obirin kìí bá wọn wọ asọ Ihram yii.

2)Oorun sísun nita gbangba Muzdalifa:

Gẹgẹ bí àwọn onimọ ẹsin ti ṣàlàyé, ni kete ti oorun ba tí fẹ lọ wọ lọjọ Arafat, ní àwọn Alalaaji yóò gbéra lọ sún laaye kan ti wọn n pé ni Muzdalifa.

Ita gbangba lórí ebutu ni won yóò sun si.

Ọpọ nínú Alalaaji yóò ti ra ẹni kékeré lọwọ láti fi sun níbẹ.

Tí ilẹ bá sì ti mọ,ní wọn yóò padà sí inu atibaba wọn tó wà ní ilu Mina, níbí ti wọn yóò ti lọ sọ oko mọ Asetani ní Jamrah ti a ṣàlàyé ṣaaju.

3)Sísọ oko mọ Asetani:

Pàtàkì ìjọsìn yíi ni pé awọn alalaaji n fí kọ iṣé Anobi Ibrahim ati ọmọ rẹ, nígbà tí wọn sọ oko mọ Asetani to fẹ dena wọn nínú ìjọsìn.

Òkúta kekeke ni wọn má n lẹ mọ àwọn opo mẹta tí wọn fí ṣe àpèjúwe Asetani.

Gbogbo Alalaaji ló gbódò sọ òkúta yií lọjọ Kejì ti wọn ba gun Arafat ati ọjọ kẹta Arafat.

4)Pàtàkì ọjọ Arafat:

Ọjọ àpéjọ ní ọjọ yií jẹ fawọn Alalaaji, tí àkọsílẹ sí wa pé ẹni tí kò bá b'awọn lọ sí Arafat kò ní Hajj.

Àwọn orílè-èdè àti ẹyà orísirísi ló má n kópa nínú Arafat yii.

Kii ṣé dandan kí Alalaaji gún orí òkè Arafat ko to kópa nínú isọri isẹ yii.

Gbogbo ilẹ tó yí oke Arafat ká ní ilẹ mimọ.

Nítorí pé èrò máa n pọ lọjọ yí, àwọn aláṣẹ ti gbe atibaba tí wọn ti ga kalẹ pẹlú ẹrọ amuletutu (AC) sínú rẹ.

Ní ọjọ Arafat láwọn Alalaaji máa n tọrọ aforijin ẹsẹ, ti wọn sì máa n wà ìyọnu Allah.

Àwọn tí kò lọ sí Hajj naa má a n gbà awẹ lati pa ọkan mọ pẹlú àwọn tó wà ní Hajj.

Imọran to se koko fun Alalaaji lasiko Hajj:

  • Ri wípé o ni ókun ninu dáadáa nítorí iṣẹ Hajj gba agbara diẹ.
  • Lasiko ìsinmi tí Hajj kò bá ti bẹrẹ, máṣe daamu ará rẹ torí iṣẹ sí wà níwájú.
  • Tẹle ohùn tawon aláṣẹ bá sọ pe ko se.
  • Má ṣe kọ etí ikun sí ọrọ àwọn aláṣẹ, yala tí eleto Hajj lati orílè-èdè rẹ ni tabi ti ilẹ Sáúdí.
  • Pupo ninu àwọn tó máa n sọnù máa n ṣé bẹẹ, torí pé wọn kò tẹlé ètò ti wọn gbé kalẹ.
  • Lasiko sísọ oko lu Asetani ní Jamrah, o ṣé pàtàkì láti lọ sibẹ lásìkò tí wọn bá kéde fún orílèèdè rẹ, bi bẹẹkọ, o lè sọnù lójú ọnà tí o bá dá lọ fúnra rẹ.
  • Iṣẹ ìjọsìn ni Hajj, kí ṣé afẹfẹ yẹyẹ rara.
  • Ọpọ èèyàn a má fí ọwọ yẹpẹrẹ mú isẹ Hajj bíi pé wọn n lọ naju ni.
  • 'Selfie' yiyá ki ṣé oun ti eeyán n gbaju mọ ni Hajj.
  • Mu omi dáadáa, sún lásìkò, kí o sí ṣé wàhálà ni iwọnba ti agbára rẹ ba ká.