El-Zakzaky pé ìpàdé pẹ̀lú àwọn àgbẹ́joro India àti àwọn àjọ ti kìí ṣe ti ìjọba

El-Zakzaky àti Zeenat Image copyright IMN
Àkọlé àwòrán Lái fí ti ọmọluabi ṣe Gekpe sàlàyé El-Zakzaky bẹ̀rẹ̀ ìfọ̀rswérọ̀ pẹ̀lú àwọn agbẹjọrò ti Ali Zia Kabir Chaudary àti Gunjan Singh soju fún ni orilẹ̀-èdè náà.

Ìjọba Nàìjíríà ní ó di dàndàn láti fẹ̀sì lóri awuyewuye tó n lọ lóri ọga ọmọ IMN Ibraheem El-Zakzaky to pada de láti orilẹ̀-èdè India níbi tó yẹ kí òun àti ìyàwó rẹ̀ ti lọ gba ìtóju.

Ijọba ní nígbà ti El-Zakzaky de India ló bẹ̀rẹ̀ si ni hú àwọn ìwà tó ti ni ọkàn tẹ́ll ti kò si hàn si ìjọba ki wọ́n to kuro lorilẹ̀-èdè Nàìjíríà, èyí ló fa sábàbí ìdí tí wọ́n fi dáá pada si orilẹ̀-èdè yìí.

Ijọba sàlàyé ọ̀rọ̀ yìí ninu àtẹjáde kan tó akowe ilé iṣẹ́ ìròyìn àti àsà Grace Isu Gekpe fi síta sàlàyé pe ìwà tí El-Zakzaky gbé wọ̀ ní India jẹ èyí to le tàbùkù orílẹ̀-èdè Nàìjíríà.

Lái fí ti ọmọluabi ṣe Gekpe sàlàyé El-Zakzaky bẹ̀rẹ̀ ìfọ̀rswérs pẹ̀lú àwọn agbẹjọrò ti Ali Zia Kabir Chaudary àti Gunjan Singh soju fún ni orilẹ̀-èdè náà.

Bákan náà ló tún ké sí à\won ajọ kan tii ṣe ti ìjọba bí Islamic Human Right Commission (IHRC) àti àwọn ọmọ ẹgbẹ́ Shia míràn pẹ̀lú èròngbà láti dúrò sibẹ fún ààbọ tí yóò si mórí lé orílẹ̀-èdè míràn tó ba yá.

Ẹ̀wẹ̀, bi ilé ẹjọ India ba fààyé gba El-Zakzaky lati dúró nítori ààbo ẹmi rẹ̀ lórílẹ̀-èdè India, èyí yóò r-tako ìdájọ ilé ẹjọ ti Nàìjíríà to fún láàyè láti lọ tọ́ju àrà rẹ ni India ki o si pàdà wálé, èyí bákan náà yóò fún ni àfàní láti sọ ẹgbẹ́ IMN di ti gbogbo aye.

Ijọba ni èyí to dún oun jùlọ ni pé ìyàwó El-Zakzaky koju àwọn eléto ààbo India àti ti Nàìjíríà pé wọn pa àwọn ọmọ oun, gbogbo èyí jẹ́ ọ̀nà láti jẹ́ ki àwọn orilẹ̀-èdè yìí káànu wọ́n, èyí sì ń kó àbàwọ́n ba orúkọ orilẹ̀-èdè yìí.

Image copyright El-Zakzaky

Awuyewuye ṣi n waye lori bi irinajo aṣiwaju ijọ Shiite ni Naijiria, Ibrahim El-Zakzaky ṣe ní kọnu n kọhọ ninu lasiko to lọ gba itọju ni orilẹede India, eyi ti o n ṣokunfa ipadabọ rẹ wa sile.

Laarin awuyewuye yii ni El-Zakzaky funrarẹ ti gbe fidio kan sita, ninu eyi to ti sọ awọn ohun ti oju rẹ n ri lorilẹede India, bi o tilẹ jẹ wi pe ijọba apapọ naa ti sọrọ sita pe, ọrọ to sọ ko ri bẹẹ lọpọ igba.

Àwọn iròyin tì ẹ leè ní ìfẹ̀ síí:

Awọn ohun ti El-Zakzaky mẹnuba ninu fidio naa niyi:

  • Ijọba orilẹede India, ni ifọwọsowọpọ pẹlu ijọba Naijiria n fi aṣẹ lelẹ pe anfani meji loun ni, yala ki oun faramọ ilana itọju ti wọn ba fi silẹ fun un tabi ki wọn daa pada si Naijiria
  • Ijọba apapọ pinnu ni nnkan bii agogo mẹwa ku diẹ lalẹ ọjọbọ, lati gbe oun ati iyawo rẹ pada si ilu Abuja
  • El-Zakzaky ni irọ pọ ninu atẹjade ti ijọba Naijiria fi sita ati pe, o ku sọwọ awọn eeyan lati mọ ibi ti wọn duro si, yala pẹlu oun ni tabi pẹlu ijọba
  • O ni nigba ti awọn de orilẹede India ni awọn rii pe wọn ti yi ileewosan ti awọn ni lọkan pada kuro ni ileewosan ti awọn fẹ lo tẹlẹ
  • O ni ohun ti ijọba n sọ fun araalu ni pe oun loun funra oun yan ileewosan, ti o si jẹ pe nnkan ti wọn n sọ fun awọn alaṣẹ ileewosan India ni pe ijọba Naijiria lo yan ileewosan ti wọn fẹ lo funra wọn
  • O ni ajọmọ wa laarin ijọba Naijiria ati India pe, awọn n gbe awọn eeyan kan ti wọn n fi ẹsun iditẹgbajọba kan wa sibẹ, ti wọn si fẹ ki ijọba orilẹede India pese abo to peye fun
  • O ni awọn dokita kan wa to fun awọn ni oogun kan ni nnkan bii ọdun mẹrin sẹyin lasiko ti wọn ṣi wa ninu ahamọ
  • El-Zakzaky ni oun ko ni igbagbọ ninu ileewosan ti wọn gbe oun lọ nitori awọn iṣẹlẹ to waye lasiko ti wọn de orilẹede India
  • Nitorina, o san ki awọn pada si orilẹede Naijiria dipo ki wọn ṣe itọju awọn ni ileewosan, latọwọ awọn dokita ti oun ko ni igbẹkẹle ninu wọn.

Ni ọjọ Ẹti ni ireti wa pe El-Zakzaky yoo gunlẹ pada si Naijiria, papakọ ofurufu Nnamdi Azikwe nilu Abuja si ni yoo balẹ si.