Supreme Court: Atiku ní ìdájọ́ ilé ẹjọ́ tó dá Buhari láre kò b'òun nínú jẹ́

Atiku Abubakar ati Muhammadu Buhari Image copyright Twitter/Muhammadu Buhari

'Bi ile ẹjọ ba da idajọ ododo tabi ti wọn ba idajọ ododo nidakeji bakan naa, awọn ọmọ Naijiria lo le sọ.'

Ọrọ yii ni oludije fun ipo aarẹ fẹgbẹ osẹlu PDP, Alhaji Atiku Abubakar sọ lẹyin ti ile ẹjọ to ga julọ da a lẹbi lori ẹjọ to pe aarẹ Muhammadu Buhari lori ibo aarẹ to lọ.

Atiku ni oun ti fitafita fawọn ọmọ Naijiria gẹgẹ bi ẹni to gbagbọ ninu eto ijọba awarawa, o ni oun yoo si tẹsiwaju lati maa ja fun Naijiria, fun ijọba awarawa ati fun ododo.

Atiku fikun ọrọ rẹ pe inu oun ko bajẹ lori idajọ ile ẹjọ, o ni oun ko ronu nipa ara oun bi ko ṣe pe nipa Naijiria l'oun ro ni gbogbo igba.

Ẹwẹ, lẹ́yìn tí ilé ẹ́jọ to gá jùlọ n'9i Nàìjíría ti yí ẹ̀sùn ẹgbẹ́ òṣèlú People's Democratic Party (PDP) tó pe All Progressive Party (APC) lórí àbájáde èsì ìdìbò ọdún 2019 dànù tán, ní agbẹnusọ ẹgbẹ́ òṣèlú APC Mallam Lanre Issa Onilu ba BBC sọ̀rọ̀.

Onilu ní láti ìgbà ti ẹgbẹ́ ò[sèlú PDP ti gbe APC lọ si ile ẹjọ ni òun ti mọ pé ẹ̀yìn igbá ni wan ń yín àgbàdo sí, nítori pé kò si àrigbámú kankan nínú ẹjọ́ ti wọ́n pé, pe ààrẹ kò ni ìwé ẹ̀rí tàbi ko lọ ilé iwé gíga.

Issa onilu ní òun gbẹ oríyìn fún ẹgbẹ́ òṣèlú PDP fún ìgbésẹ̀ tí wọ́n gbé láti lọ si ilé ẹjọ́ lórí ọ̀rọ̀ náà, nítori ọ̀na to tọ ni , súgbọ̀n ìgbẹ́jọ náà ti dé òpin báyìí, ó si pọ́ndadan ki wọ́n fún ààrẹ Buhari láàyè láti ṣe ijọba

O wá rọ ẹgbẹ́ náà láti ṣẹ́wẹ́lé ìpínu wọ́n láti da orilẹ̀-èdè rú pẹ́lú àwọn ìròyìn ẹlẹjẹ́ nítori àbájáde ìdájọ ilé ẹjọ́, o ní nigba ti o ti já si ibi ti o já si nítori pé orilẹ̀-èdè Naijiria kii ṣe tí ẹnikan, o si ṣe pàtàkì kí ifọ́wọ́sowọpọ̀ wà ki ilọsiwáju le ba ìlú.

Image copyright @mbuhari
Àkọlé àwòrán Supreme Court: Eré àsá sòfò ní ẹgbẹ́ PDP sá lọ sílé ẹjọ́

Agbẹnusọ APC wá rọ wọn pé kí wọ́n ni sùúrù fún bí ọdún mẹta àti oṣù díẹ̀ láti tun gbe igbá ìdìbò míràn lọdun 2023, kí wan fi ẹgbk APC lọ́run sílẹ̀ láti le rójú ṣe ìjọba.

Atiku fìdí rẹmi nílé ẹjọ́ tó ga jùlọ, kò sọ́rọ̀ mọ́ lórí ìbò ààrẹ

Image copyright @atiku

Ile ẹjọ to ga julọ lorilẹede yii ti tun fi idi ibo to gbe aarẹ Muhammadu Buhari mulẹ gẹgẹ bii aarẹ ti ilu dibo yan lọjọ Kẹtalelogun osu Keji ọdun 2019.

Igbimọ ẹlẹni meje, ti adajọ agba ni Naijiria, Tanko Mohammed ko sodi, tun wọgile ẹjọ Kotẹmilọrun ti oludije fun ipo aarẹ labẹ asia ẹgbẹ oselu PDP, Atiku Abubakar pe, eyi to fi n tako eto idibo ọdun aarẹ 2019.

Àwọn iròyin tì ẹ leè ní ìfẹ̀ síí:

Gbogbo awọn adajọ mejeeje naa lo wọgile awọn ẹri ti Atiku ko wa siwaju wọn, ti wọn si ni ofuutu fẹẹtẹ, aasa ti ko ni kaun ni wọn.

Atiku lo wọ aarẹ Muhammadu Buhari lọ sile ẹjọ lati tako idibo to gbe wọle fun saa keji gẹgẹ bii aarẹ Naijiria.