Ore Falomo jẹ́ onímọ ìṣègùn tó lámì laka láàrin ìràn Yoruba

Ore Falomo Image copyright Thisday
Àkọlé àwòrán Ore Falomo jẹ́ onímọ ìṣègùn tó lámì láàrin ìràn Yoruba

Gbogbo ọmọ yorùna lo n ṣelédè lẹ́yìn Dókítà Ore Falomo ti gbogbo ènìyàn mọ sí oníṣegun M.K.O Abiọla nígbà ayé rẹ̀.

Adarí ẹgbẹ́ Afenifẹre Ayo Adebanjo nínú ọ̀rọ̀ rẹ̀ sàlàyé pé iṣẹ́ nla ribiribi ní Ore Falomo ti ṣe nínú ìràn Yoruba, àti pe ìràn yoruba ti so ogo nla kan nù.

Adebanjo fi kún ọ̀rọ̀ rẹ pe ó ṣe pàtàkì kí gbogbo ìràn yoruba jí gírí láti gbe ogo iran rẹ gá bi Ore Falomo ṣe se nigba aye rẹ̀,

O safiwe pe pàápàá julọ gẹ́gẹ́ bíi Dokita Abiola, O dúro ti Abiola gidigidi lásìkò ìṣòrò, kò kẹyin sí i bi àwọn tọ ku ṣe ṣe nigba náà

O fí kun un pé àwokọ́se rere ni Falomo jẹ́ nígba ti fi jẹ ààrẹ àwọn ẹgbẹ́ Dokita ni Naijiria, amúyangan ni àsìkò rẹ̀ jẹ́ fún ìdári rẹ̀ àti ipo ti ọ̀rs ilera wa lásìkò náà.

Afẹnifẹre ni Dokita Falọmọ kìí ṣe ẹni ti ìràn Yoruba gbọdọ gbàgbé ni kíakía.

Ta ni Ọrẹ Falomo, dókítà MKO Abiola tó papòdà lẹ́ni ọdún mẹ́tàdínlọ́gọ́rin?

A bi Dokita Oluwatamilore Falomo lọjọ kẹrin, oṣu kẹsan an, ọdun 1942 niluu Minna to jẹ olu ilu ipinlẹ Niger bayii.

Ọgbẹni Falomo lọ ile iwe alakọbẹrẹ ni Baptist Primary School, Ijaiye laarin ọdun 1948 si ọdun 1955.

Ile iwe girama Methodist Boys High School nipinlẹ Eko ni Falomo lọ laarin ọdun 1956 si ọdun 1960.

Falomo tẹsiwaju ẹkọ rẹ nile iwe St. Andrew College, niluu Dublin lorilẹede Ireland laarin ọdun 1961 si 1962 ki o to lọ kawe ni Royal College of Surgeons ni Ireland lati ọdun 1962 si 1968.

O tun pada si ile iwe Royal College of Surgeons niluu Dublin lọdun 1978.

Ọgbẹni Falomo ṣe igbeyawo pẹlu Folashade Ṣorunke lọdun 1968.

Dokita bẹrẹ iṣẹ nile iwosan Park Hospital, Davyhulme ni Manchester lọdun 1969 si 1970.

O tun ṣiṣẹ ni ẹka eto ilera ipinlẹ Eko lagbegbe Surulrere lọdun 1971 si 1972, ko to lọ ṣiṣẹ ni ile iwosan ijọba ni Ikeja lọdun 1972 si ọdun 1973.

Dokita Falomo di oludari ile iwosan Onikoyi Clinic ni Yaba lọdun 1974 si 1979.

Falomo jẹ alaga ẹgbẹ awọn dokita lọdun 1971 si 1974, o tun jẹ ọmọ ẹgbẹ awọn dokita nilẹ Gẹeṣi ati orilẹede Ireland.

O ṣiṣẹ ni ile iwosan Maryland Specialist Hospital fun ọpọ ọdun.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption'Èmi gan máa ń béèrè lọ́wọ́ ara mi pé ta ni Wole Soyinka gangan'

Dokita Falomo jẹ dokita oloogbe ati oludije fun ipo aaarẹ labẹ asia ẹgbẹ oṣelu SDP ninu ibo aarẹ ọdun 1993 ni Naijiria, MKO Abiola.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption'IBB da Abiola lẹ́yìn tó búra pẹ̀lú Quran'