NIS: Ẹgbẹ́ dókítà làwọn kò mọ sí ìrìnàjò dókítà 58 tí NIS dènà mọ́ láti lọ sí London

Aworan ọgagun Mohammed Babandede

Oríṣun àwòrán, Others

Àkọlé àwòrán,

Ẹgbẹ́ dókítà làwọn kò mọ sí ìrìnàjò dókítà 58 tí NIS dènà mọ́ láti lọ sí London

Ẹgbẹ awọn dokita oniṣegun oyinbo ni Naijiria, NMA, lawọn ko mọ si irinajo awọn dokita mejidinlọgọta to n rinrin ajo.

Awọn ni awọn dokita kan eyi ti ileeṣẹ to n sọ iwọlewọde si orile-ede Naijiria, (NIS) dena mọ ni papakọ ofurufu ilu Eko.

Aarẹ ẹgbẹ naa lo fesi bẹẹ lẹyin ti NIS sọ pe awọn da awọn dokita wọnyi to fẹ lọ si London pada nitori pe wọn ko ni iwe aṣẹ irinna, fisa.

Koda, wọn ni awọn dokita naa ko ni lẹta lati ọdọ ileeṣẹ ilera tabi lati ọdọ ẹgbẹ onimọ iṣegun Naijiria.

Amọ ṣa, Dokita Innocent Ujah to jẹ aarẹ ẹgbẹ NMA ṣalaye fun BBC pe kii ṣe dandan ki awọn dokita gba iyọnda lọdọ ẹgbẹ naa lati rin irinajo kuro ni Naijiria.

BBC beere pe ṣe iru irinajo yi ko dẹru ba NMA pẹlu ewu to wa lasiko yi ti arun Covid-19 n ja ranyin-ranyin lagbaye.

Ninu idahun Ujah, o ni pe ''gbogbo Naijiria lo yẹ ki ọrọ yi ka laya, kii ṣe NMA nikan.''

O fi kun ọrọ rẹ pe: '' Mi o mọ nipa pe awọn ikọ dokita kankan fẹ ṣe irinajo lọ si ilẹ Gẹẹsi.

Amọ bi wọn ba fẹ lọ si ilẹ okeere, o yẹ ki a beere pe ki lo de ti awọn ọmọ Naijiria fi n sa kuro nilẹ wọn lọ si ilẹ ibomiran.

Bi ilu wọn ba gba wọn laaye daadaa ni, wọn ko ni kuro.''

Ileeṣẹ to n sọ iwọlewọde awọn eeyan si orile-ede Naijiria, Nigeria Immigration Service (NIS) ti kọdi ki awọn dokita ọmọ Naijiria mejidinlọgbọn yi ṣe irinajo lọ si ilẹ Gẹẹsi.

Àwọn iròyin tì ẹ leè ní ìfẹ̀ síí:

Bawo lo ṣe ṣẹlẹ?

Ni papakọ ofurufu Murtala Muhammed nilu Eko ni wọn ti da awọn dokita naa pada nibi ti wọn ti fẹ wọ baalu kan to wa lati London to fẹ gbe ero pada.

Alukoro ileeṣẹ naa, Sunday James ni meji pere ninu awọn dokita wọnyi lo ni iwe aṣẹ irinna iyẹn fisa.

Ati pe ti awọn mẹrindinlọgọta to ku ko si ni iwe yi.

Ninu ifọrọwanilẹnuwo pẹlu BBC, Sunday ni ''awọn ko jẹ ki awọn dokita naa tẹsiwaju irinajo wọn nitori pe bi wọn ba fi le lọ, niṣe ni awọn alaṣẹ ilẹ Gẹẹsi yoo da wọn pada.''

O ṣalaye pe ''ọkọ baalu ti wọn fẹ ba lọ ti gba aṣẹ lati ko awọn dokita mejilelogoji lọ si ilẹ Gẹẹsi fun eto idanilẹkọ kan ṣugbọn meji pere ninu awọn mejidinlọgbọn to n lọ lo ni iwe aṣẹ irinna.

Fun idi eyi la ṣe da wọn pada''

O ni o jẹ ohun to tabuku ba awọn pe ko si iwe kankan tawọn ile iṣẹ ilera tabi ẹgbẹ awọn onimọ iṣẹgun kọ lati fi han pe wọn mọ si irinajo awọn dokita wọnyi.

Gbogbo òṣìṣẹ́ àjọ tó ń rí sí ìwọléwọ̀dé àjòjì yóò ṣe àyẹ̀wò òògùn olóró - Babandede

Ati ọga patapata ati ọmọ iṣẹ tabi oṣiṣẹ to kere ju ni ileeṣẹ to n ri si iwọlewọde ajoji ni Naijiria ni yoo ṣe ayẹwo oogun oloro.

Oludari agba ileeṣẹ naa, Mohammad Babandede ati gbogbo oṣiṣẹ ileeṣẹ naa ni yoo ṣe ayẹwo naa.

Gẹgẹ bi alukoro ileeṣẹ naa ṣe sọ ọ, Ọgagun Babandede fi ọrọ yii lede nibi akanṣe eto ayipada ilana ẹkọ ni ile ẹkọ akọkọ ti ileeṣẹ to n ri si iwọle wọde ajoji ni ipinlẹ Kano.

Babandede ṣalaye pe eredi fun ayẹwo yii ni lati jẹ ki awọn oṣiṣẹ ṣ iṣẹ wọn daadaa gẹgẹ bi akọṣẹmọṣẹ.

O tẹnu mọ ọ pe ki wọn ṣọra nipa bi wọn ṣe n gbé ohun ija lẹnu iṣẹ wọn o si fi aridaju han pe ẹni ti ayẹwo naa ba mu, wn o ni kọkọ yọ ọ niṣẹ.

O ni "a o ni kọkọ le ẹni ti ayẹwo ba mu, dipo bẹẹ, a o ko wọn jọ fun ikọni.

Bi ẹnikẹni ko ba wa yiwa pada, awọn alaṣẹ yoo gbe igbesẹ lati ṣe ijiya to ba tọ.

Àkọlé fídíò,

Ǹkan tí ẹ̀mí mímọ́ fi hàn mí kí n tó bẹ̀rẹ̀ orin ìfèdèfọ̀ rèé- Testimony Jaga

"Gbogbo oṣiṣẹ pata ni yoo ṣe ayẹwo naa bẹrẹ latori emi", lohun ti Babandede sọ.

Bakan naa lori ọrọ yiyẹ aṣẹ irinna wo kete ti eeyan ba ti de orilẹ-ede Naijiria eyi ti wọn pe ni "Visa on Arrival",

O ni yoo jẹ anfani nla fun awọn oniṣowo ọmọ Afirika to ba n bọ lati wa ṣe owo lọna to tọ ki wn le gberu sii.

Bakan naa fun ibaṣepọ to danmọran ti yoo fọ gbogbo ohun idiwọ ẹtọ irina laarin awọn ọmọ Afirika mii.

Ẹwẹ, Babandede ni iforukọsilẹ yóò tẹsiwaju lati lee fun awọn arinrinajo lanfani ati forukọ silẹ ki wọn si le gbe ilu wọn.