Nigeria Police: Iléeṣẹ́ ọlọ́pàá pàrọ̀ àwọn kọmíṣọ́nà rẹ̀ láti ìpínlẹ̀ kan sí òmíràn

Police

Oríṣun àwòrán, @gboyegaakosile

Ọga agba ileeṣẹ ọlọpaa ni Naijiria, Mohammed Adamu ti paṣẹ pe ki wọn ṣi awọn kọmiṣọna ọlọpaa kan nipo lati ipinlẹ ti wọn ti n ṣiṣẹ si omiran.

Agbẹnusọ ileeṣẹ ọlọpaa, Frank Mba lo fi ọrọ naa lede ni olu ileeṣẹ naa to wa ni ilu Abuja.

Awọn kọmiṣọna ọhun ati awọn ipinlẹ tuntun ti wọ yoo ti maa ṣiṣẹ ree.

Ipinlẹ Osun - CP Undie J. Adie

Ipinlẹ Edo - CP Johnson Babatunde Kokumo

Ipinlẹ Bauchi - CP Lawal Jimeta Tanko

Ipinlẹ Ebonyi - CP Philip Sule Maku, fdc

Ipinlẹ Gombe - CP Ahmed Maikudi Shehu

Ipinlẹ Ondo - CP Bolaji Amidu Salami

Ipinlẹ Oyo - CP Joe Nwachukwu Enwonwu

Eastern Port - CP Evelyn T. Peterside

EOD - CP Okon Etim Ene, fdc

Ileeṣẹ ọlọpaa ni papakọ ofurufu - CP Bello Maikwashi

Ẹka to n gbogun ti iwa jẹgudujẹra ni ipinlẹ Eko - CP Olukolu Tairu Shina

Ọga agba ileeṣẹ naa wa rọ awọn kọmiṣọjna tuntun ọhun lati ri daju pe wọn dabo bo awọn agbegbe tuntun ti wọn n lọ ju ti awọn to ti ṣiṣẹ ṣaaju wọn nibẹ lọ.

Lẹyin naa lo rọ awọn ara ilu lati fọwọsowopọ pẹlu ileeṣẹ ọlọpaa ki iṣẹ wọn le yọri si rere.

Nigeria Police: Ọlọ̀pàá gbẹ̀mí akẹgbẹ́ rẹ̀ àti t'ara rẹ̀

Oríṣun àwòrán, Getty Images

Àkọlé àwòrán,

Ọga ọlọpaa ọhun jade lati inu ọfiisi lati bere ohun to ṣẹlẹ, lo ba tun yin ọga naa nibọn

Rogbodiyan bẹ silẹ nilu Abuja nigba ti ọlọpaa kan, John Markus yinbọn pa akẹgbẹ rẹ, to si tun yinbọn pa ara rẹ lẹyin naa.

Iṣẹlẹ naa waye ni kutukutu ni agọ ọlọpaa to wa ni agbegbe Dutse, ti ọlọpaa mii si ṣeṣe.

Kọmiṣona ajọ ọlọpaa nilu Abuja, ọgbẹni Bala Ciroma fi di ọrọ naa mulẹ fun awọn oniroyin.

O ṣalaye pe iṣẹlẹ ọhun waye ni igba ti Marcus wa lẹnu iṣẹ gẹgẹ bi adena agọ ọhun yinbọn soke.

Wọn ni akẹgbẹ re, kọpura Mathew Akubo bawi, lẹyin eyi lo yin nibọn fun lagbari lẹsẹ kan naa.

Ko pẹ si ni ọkan lara awọn ọga rẹ, Abdullahi Ovanu jade lati inu ọfiisi lati bere ohun to ṣẹlẹ, lo ba tun yin ọga naa nibọn.

Lẹyin iṣẹju diẹ sii ni o ki ibọn ọhun sẹnu, to si dana si ara rẹ.

Ọga rẹ n gba itoju lọwọ nile iwosan, ṣugbọn wọn ti gbe oku rẹ lọ si ile igbokupamọsi to wa ni ile iwosan Kubwa, ni Abuja.

Àkọlé fídíò,

Ǹkan tí ẹ̀mí mímọ́ fi hàn mí kí n tó bẹ̀rẹ̀ orin ìfèdèfọ̀ rèé- Testimony Jaga