Yoruba Films: Mr Latin ní òṣèré tó bá ya sinimá lásìkò Coronavirus yìí, òun ò lọ́wọ́ ń bẹ
Oríṣun àwòrán, Instagram/Mr Latin
Ere Sinima jẹ ara ẹka iṣẹ aayan laayo lawujọ to ṣe pataki, to si tun ma a mu owo wọle fun awọn osere tiata ati ijọba pẹlu.Amọ ajakalẹ arun Coronavirus to gbode kan yii, n pa iṣẹ tiata lara gẹgẹ bo ṣe n waye ni awọn ẹka iṣẹ aayan laayo miran.Ni osu kẹta ọdun ti arun Covid-19 burẹkẹ ni Naijiria, agbarijọpọ ẹgbẹ awọn oṣere tiata ni ede Yoruba, taa mọ si TANPAN, labẹ akoso aarẹ ẹgbẹ Bolaji Amusan, ti ọpọ eeyan mọ si Mr Latin, pasẹ pe ọmọ ẹgbẹ naa kankan ko gbọdọ ya sinima.
- Aláàfin gbé àṣẹ kalẹ̀ láti dènà àtúnṣẹ̀ ìṣẹ̀lẹ̀ 'Soka'nílùú Ọ̀yọ̀
- 'Ìnira ńlá ni coronavirus mú bá èmi àtàwọn ọmọ mi gẹ́gẹ́bí opó tó fọ́jú'
- Mo kábàámọ̀ pé n kò kàwé, kí n tó bẹ̀rẹ̀ iṣẹ́ tíátà - Sanyeri
- Ìdí táwọn apòògùn Nàìjíríà fi tako oògùn Coronavirus láti Madagascar
- Ọọni, Aláàfin, Ojisẹ Ọlọ́run àti oniṣẹ ìwádìí fi Ògún gbari pé òògùn ìbílẹ̀ le wo Covid-19
Aṣẹ ẹgbẹ TANPAN naa, to wa lati dena itankalẹ arun Coronavirus, ni awọn ọmọ ẹgbẹ naa tẹle, ti koowa wọn si joko sile lai gbe sinima kankan jade.Ṣugbọn lati igba ti aarẹ Muhammadu Buhari ti dẹ okun lọrun ofin konile o gbele, ni awọn oṣere tiata kan ti n gbero lati pada si idi isẹ wọn, ti wọn si n reti igbimọ alakoso ẹgbẹ lati gbe ẹsẹ kuro lori ofin 'ẹ jokoo sile yin' to pa.Amọ aarẹ ẹgbẹ, Mr Latin, ninu alaye to ṣe si oju opo Instagram rẹ ti ni, eyi ko lee ṣee ṣe nitori awọn idi kan to mẹnuba.
Oríṣun àwòrán, Instagram/Mr Latin
Mr Latin ni loootọ ni oun mọ pe ajakalẹ arun Coronavirus ti ṣe akoba nla fun ọrọ aje awọn osere tiata, sugbọn o san ki eeyan wa laye ninu ilera pipe, ju ko maa jẹ irora aisan lọ.Latin fikun pe "ifọwọsowọpọ ọpọ eeyan ni sinima ṣiṣe gba, eyi to si le tako awọn ofin to rọ mọ idena arun Covid-19 nitori ogun eeyan tabi ju bẹẹ lọ lo n kopa ninu sinima kan."
- Àwọn ohun èèlò tí Olóògbé Olóyè Obafemi Awọ́lọ́wọ̀ lò gbẹ́yìn
- Gomina Makinde gbàlejò àwọn Imam lásìkò àjàkálẹ̀ àrùn Coronavirus
- Dòkítà tó ṣe iṣẹ́ abẹ fún oyún inú l‘Amẹrika ló ń sọ Yorùbá yìí, bíi ẹní la oyin
- Ìgunnukó nìyí, òrìsà Tápà, òrìsà olówó àti tọlọ́mọ"Nibi ti awọn eniyan ko ba tiẹ ti to ogun to n ṣe sinima kan, ọpọ ero ti yoo ṣu jọ sibi ti wọn ti n ya sinima lati woran lee tako ofin ijọba, abi bawo ni a ṣe fẹ bọwọ fun ofin tita kete sira ẹni?" Aarẹ ẹgbẹ TANPAN naa tun n beere pe, ṣe awọn yoo bo imu ati ẹnu ni lasiko ti awọn ba n ya sinima, ṣe o si ṣee ṣe ki awọn ma dimọ ara awọn tabi fi ara kanra to ba jẹ pe ere ti awọn n ya gba kawọn ṣe bẹẹ?
Oríṣun àwòrán, Instagram/Mr Latin
O wa n rọ awọn ọmọ ẹgbẹ rẹ lati ro gbogbo nkan wọn yii, ki wọn si fara da akoko yii bo ṣe gba.Mr Latin tun woye ninu ọrọ rẹ pe, ni wọn igba ti ijọba ti paṣẹ pe ẹnikẹni ko gbọdọ rin irin ajo lati ipinlẹ kan si omiran yika Naijiria, bawo wa ni yoo ṣe rọrun fun awọn oṣere ori tiata lati rinrin ajo lati ipinlẹ kan si omiran lọ kopa ninu yiya sinima?"Koda, bi oṣere tiata kan ba gba owo lati kopa ninu ere lasiko yii, ti ko si si ọna lati rinrin ajo lọ kopa ninu ere ọhun nipinlẹ ti wọn ti fẹ ya iṣẹ, iru iṣẹlẹ bẹẹ tun le da ede aiyede silẹ, eyi to le da ẹgbẹ ru.Aarẹ ẹgbẹ TANPAN wa sọ oju abẹ niko pe igbimọ amusẹya ẹgbẹ naa ti paṣẹ pe ki awọn oṣere tiata si jokoo sile wọn titi ti ijọba apapọ yoo fi gbe ẹsẹ kuro lori ofin konile o gbele patapata.Amọ ko sai yan pe "bi Olootu ère kan ba wa le tẹle awọn ofin tijọba la kalẹ lori idena itankalẹ arun Covid-19 ti mo mẹnuba saaju, o le tẹsiwaju lati lọ ya ere amọ ẹgbẹ TANPAN ko lọwọ ninu irufẹ igbesẹ Bẹẹ."
