Kwara Kidnap: Ọlọ́pàá ní agbègbè Oke Onigbin àti Omu Aran ni ìṣẹ̀lẹ̀ náà ti wáyé

Awọn eeyan mẹtala miran tun ti ko si ọwọ awọn ajinigbe nipinlẹ Kwara.

Ninu wọn ni eeyan mẹfa kan to n dari lati ibi inawo igbeyawo ni ipinlẹ Ekiti wa.

Alukoro ileesẹ ọlọpaa ipinlẹ Kwara Ajayi Okasanmi lo fidi ọrọ yii mulẹ ninu atẹjade kan to fi sita.

O sọ pe laarin aala Kwara ati Ekiti ni awọn ajinigbe naa ti da awọn eeyan meje to n dari bọ lati ibi inawo igbeyawo ni Ekiti.

Àwọn iròyin tì ẹ leè ní ìfẹ̀ síí:

''Ibi ti wọn ti ko si ọwọ ajinigbe wa laarin Oke Onigbin ati Omu Aran ni nkan bi ago marun un abọ irọlẹ ọjọ Abamẹta.''

Isẹlẹ ijinigbe keji waye laarin Ekan Meje ni ijọba ibilẹ Oke-Ero ni ipinlẹ Kwara ati Ekiti.

Ninu awọn to ko si gbaga awọn alaburu yi ni Pasitọ kan iyawo rẹ ati awọn eeyan mẹrin.

Okasanmi to fidi isẹlẹ yii mulẹ ni awọn ti doola eeyan mẹjọ lapapọ.

Mẹrin ninu isẹlẹ ti Omu Aran, mẹrin mii ninu ti Oke Onigbin.

Amọ sa o ni awọn ko ti ribi doola Pasitọ ati iyawo rẹ to fi mọ eeyan mẹta to ku ninu awọn to n dari bọ lati ibi ayẹyẹ igbeyawo ni Ekiti.

''Agbarijọpọ awọn ikọ ẹsọ alaabo ati awọn fijilante lo le awọn ajinigbe naa wọnu igbo, taa si ri eeyan mẹrin doola.

A si n gbiyanju lati doola awọn mẹta to ku ninu awọn to lọ si ibi igbeyawo''

Okasanmi pari ọrọ rẹ pe, iwadii n tẹsiwaju ati pe awọn ti ri awọn afurasi kan mu lori isẹlẹ ọhun.