Sean Imonioro Chukwuemeka: Oyìnbó ẹni ọdún 56 tí mo fẹ́ ní ìhùwàsí gidi ju ọ̀dọ́bìnrin ọmọ Nàìjíríà lọ

"Emi o wo iyatọ to wa ninu ọjọ ori wa, o kan da bii pe ẹgbẹ́ mi ni mo fẹ niyawo ni".

Oju opo Facebook ni Sean Imonioro Chukwuemeka ẹni ọdun mẹrindinlọgbọn to jẹ ọmọ Naijiria ti pade arabinrin ẹni ọdun mẹrindinlọgọta ti wọn jọ yo ifẹ ara wọn to si di tootọ ti wọn di tọkọ taya.

Agbabọọlu ẹsẹ kuku ni Sean jẹ to n gba bọọlu fun ilu Owerri nipinlẹ Imo bakan naa lo n ṣe iṣẹ afuni lowo latoju ẹrọ ilewọ POS.

O ni lọdun 2020 lawọn mejeji pade loju opo Facebook ibẹ si ni ifẹ ti wọ ọrọ awọn mejeeji titi to fi kọ ẹnu sii pe oun fẹ fi ṣe aya.

Labẹ akọsilẹ "awọn eeyan to ṣeeṣe ki o mọ" eyi ti Facebook maa n gbe jade ni Sean ni oun kan ti ri arabinrin oyinbo naa.

Mí ò le nífẹ̀ẹ́ obìnrin Nàìjíríà kankan mọ lẹ́yìn ti mo ti tọ́ obìnrin òyìnbó wò- Issa

Òyìnbó ẹni ọdún 46 wá ṣe mọ̀'mí n mọ̀ ọ́ ní Kano pẹ̀lú Isah olólùfẹ́ rẹ̀

Mi ò to iṣẹ́ Regina Daniels rárá kí n tó fẹ́ ẹ láàrin ọ̀sẹ̀ mẹ́ta, mo sì tún le fẹ́ ìyàwó míì - Ned Nwoko

Taa ni arẹ̀wà obìnrin, Emmanuella Ropo tí ìròyìn n sọ pé òun ni ìyàwò K1 tuntun?

Lẹ́yìn Titi Masha, Kwam 1 gbé ìyàwó tuntun, Emmanuella Ropo l'Abeokuta, bó ṣe lọ rèé

"Mo bẹrẹ si ni wo awọn ọrọ nipa oyinbo naa, iru awọn ọrọ to maa n sọ ati oniruuru nkan to maa n fi sita lori itakun rẹ. Mo wa tẹ ami pe mo fran awọn nkan to n kọ mo si kọ ọrọ ranṣẹ sii, bi a ṣe bẹrẹ niyẹn".

Arabinrin naa ti ni ọm mẹta tẹlẹ ki oun ati Sean to fẹ ara wọn amọ o ni oun o ri idaduro ibimọ eyi ti oloyinbo n pe ni menopause bii iṣoro tori awọn eeyan ti n kii nilọ pe obinrin naa lo ni le bimọ fun un.

"Ko sohun to n jẹ menopause niwaju Ọlọrun tori ko si ẹni ti Ọlọrun ko lee fun lọmọnigbakuugba", Sean ni o wa ninu bibeli.

Sean sọ fun BBC pe iyawo oun ti kọkọ ni ọmọ meji to gba tọ latile awọn ọmọ alailobi ko to di pe o bi ọmọ rẹ to ti pe ọmọ ọdun mejidinlogun bayii.

Iyatọ to wa laarin fifẹ arugbo ati ọdọbinrin?

Gẹgẹ bi Sean Imonioro Chukwuemeka ṣe sọ ọ, iyatọ to wa laarin ki eeyan fẹ ẹni to dagba ju u lọ naa kan ni pe o mọ pe ifọkan tan wa nibẹ, ibọwọ si wa nibẹ".

O fi kun un wipe iyawo oun n tọju oun daadaa amọ eyi ko jọ ọ́ lọ́dọ̀ awọn ọdọbinrin ti yoo maa kùn tabi pariwo le ọ lori too ba ṣẹ wọn.

Àwọn ajínigbé pa Pásítọ̀ kan, jí obìrin kan, ọmọ rẹ̀ mẹ́rin gbé lọ

Ìjì líle Tornado kọlu Amẹrika, ọ̀pọ̀ ilé àti ẹ̀mí ló parun

Wo àwọn orílẹ̀èdè tó ṣeéṣe kí omi parẹ́ láìpẹ́.

Àìríṣẹ́ ló mú mi gbaṣẹ́ ọlọ́pàá, mo kabáàmọ́ọ̀ torí ọlọ́pàá ẹgbẹ́ mi jú mí sẹ́wọ̀n láìṣẹ̀- ASP Ajisafe

"O mọ pe o gba ọpọlọpọ ọjọ ori lọwọ mi sibẹ o tun n tọju mi o si n bọwọ fun mi. Ko si ọjọ kan wa ti ko jẹ ki n mọ ala pe oun ni agba ninu ibaṣepọ yii, koda bi iyatọ kọọkan ba wa, yoo fara balẹ ṣalaye fun mi ni".

Sean ni iyawo oun ẹni ọdun mẹrindinlọgọta yii n fun oun ni gbogbo nkan ti oun n reti latọdọ obinrin bii iwa rere ati ihuwasi to dara eyi si ni ala iru iyawo to fẹ.

Ki ni anfani ti Sean yoo jẹ ninu igbeyawo yii?

O ni oun ko fẹ arabinrin yii nitori ọgbọ awọn anfani oriṣiriṣi ti awọn eeyan ni nkan ti oun n wa niyẹn.

O ni anfani to wa ninu igbeyawo yii fun oun ni idunu ati ayọ pe oun fẹ ẹni to oun ni ifọkanbalẹ ati alafia pẹlu.

"Nigba ti mo kẹnu ifẹ sii, o bi mi pe ṣe ootọ ni gbogbo oun ti mo n ṣe toripe ifẹ mi ti gba ọkan oun so, mo si jẹ ko mọ pe olootọ ni mi".