China ti faye gba iṣe-ijọba 'lailai'

Xi Jinping, n patẹwọ, Image copyright Reuters
Àkọlé àwòrán Ọgbẹni Xi patẹwọ lẹyin igba ti igbimọ asofin f'ọwọ si atunṣe naa

China ti f'ọwọ si fif'opin si iye saa ti aarẹ orilẹede le ṣe, nibi igbese kan to le je ki Aarẹ Xi Jinping maa se ijọba lọ karin.

Ile Igbimọ asofin orilẹede China lo ṣe awọn atunṣe (si iwe-ofin China) to fun aarẹ naa lanfani ati ma ṣe ijọba lọ lọjọ Aiku (Sunday).

Asofin 2,964 lo f'ọwọ si atunṣe naa, nigba, ti mẹji tako ti mẹta si kọ lati dibo.

Latin nkan bi ogun ọdun sẹyin ni China ti sofin to ni ki aarẹ ma lo ju saa meji lọ lori oye.

Sugbọn Ọgbẹni Xi, to yẹ ko sọkalẹ lori oye ni ọdun 2023, o kọ lati s'afihan ẹni ti ole jẹ aarẹ lẹyin rẹ nigba ipade ẹgbẹ Kọmunisti ninu osu kẹwa.

Kaka ko se bẹẹ, ofi ẹse ara rẹ rinlẹ lori oye ni nitori wipe ẹgbẹ pinnu lati fi orukọ rẹ ati igbagbọ iselu rẹ sinu iwe-ofin ẹgbẹ oselu naa- eleyi fun ni irufẹ agbega ẹni to da ẹgbẹ naa silẹ, Chairman Mao.

Botilẹ jẹ wipe iwe ofin sọ wipe ile igbimọ asofin lo lagbara ju ni China- gẹgẹ bi oti wa ni awọn orilẹede yoku. Sugbọn opọ eeyan nigbagbọ wipe igbimọ naa yoo f'ọ̀wọ si gbogbo nkan ti wọn ba ni ko f'ọwọ si.

Related Topics