ASUU strike: Ẹgbẹ́ olùkọ́ fásitì ń tẹ̀síwájú pẹ̀lú ìyanṣẹ́lódì

Abawọle fasiti Ibadan
Àkọlé àwòrán ko si si olukọ kankan ninu awọn yara ikẹkọ lati sisẹ ni ọgba fasiti Ibadan

Ipade to waye laarin ijọba apapọ ati Ẹgbẹ Olukọ Fasiti, ASUU pari lai si ọna abayọ si iyansẹlodi ọlọsẹ mẹrin ti ẹgbẹ osisẹ ti gunle.

Ipade naa to bẹrẹ ni irọlẹ Ọjọ Aje naa jẹ ọna lati wa wọrọkọ fi se ada lori awọn ohun ti ẹgbẹ osisẹ ASUU n beere fun ti wọn fi gunlẹ iyansẹlodi.

Aarẹ gbogboogbo fun ẹgbẹ olukọ fasiti lorilẹede yii, ASUU, Ọjọgbon Biodun Ogunbiyi sọ wi pe, ipade naa si n tẹsiwaju lọjọ miran nitori pe wọn ko i tii yanju aawọ naa.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionJide Kosọkọ: Isẹ́ tíátà yóò gòkè tíjọba bá gbówó kalẹ̀ láti seré

Asoju fun ijọba apapọ to jẹ Minisita fun Eto Ẹkọ , Malam Adamu Adamu ni, awọn yoo tẹsiwaju pẹlu ifọrọjomitoro ọrọ lọjọ iwaju lati wa opin si iyansẹlodi naa.

Ẹgbẹ osisẹ fasiti naa n beere fun owo isuna to gbooro fun ile ẹkọ giga ati sisan owo ajẹmọnu awọn olukọ fasiti.

Àwòrán díẹ̀ lára àwọn ǹkan ti ASUU ń jà fún nì yíi

Ọpọlọpọ ni kò mọ pe atunṣe sawọn ọgba ile iwe giga ni koko nkan ti ẹgbẹ awọn olukọ fasiti ni àwọn n jà fun lasiko yii.

Àkọlé àwòrán Kilaasi kan ni yi ni Fasiti ikọni nimọ ijinlẹ sayẹnsi ni Fasiti Pọta nipinlẹ Rivers.

Ipo ti àwọn ohun eelo ikẹkọọ wa ni wọn gba pe ko dara tó.

Àkọlé àwòrán Iyara akẹkọọ kan ni Block G ni nibugbe awọn akẹkọkunrin ni Fasiti Bayero ni Kano

Awọn to ti kawe nilẹ okeere ni àwọn ile ti awọn akẹkọọ Naijiria n gbé kò bọ sii rara.

Àkọlé àwòrán Gbongan kilaasi kan ni yi ni Fasiti ikọni nimọ ijinlẹ sayẹnsi ni Fasiti Pọta nipinlẹ Rivers.

Ọrọ atunṣe awọn iyara ikawe yii yẹ ko kari gbogbo fasiti ni.

Àkọlé àwòrán Kilaasi kan ni yi ti wọn ti n kọ akẹkọọ ni imọ kẹmisitiri ni Fasiti Bayero nipinlẹ Kano

Koda ko yọ àwọn ibi to yẹ ki akẹkọo ti kọ ẹko nipa afojuri iṣẹ silẹ.

Àkọlé àwòrán Ibudo ayẹwo fun ikọni nipa itọju ẹranko ni Fasiti Pọta nipinlẹ Rivers

Kikọ ni mímọ̀ ni ọrọ àwọn iṣẹ itọju ẹranko ni ayika to jẹ ki ẹkọ dun lati kọ.

Àkọlé àwòrán Ibudo ayẹwo fun ikọni nipa itọju ẹranko ni Fasiti Pọta nipinlẹ Rivers

Awọn nkan wọnyii ni àwọn olukọ ASUU gba pé o fa iyanṣẹlodi ti awọn gunle, yatọ si ti owo ajẹmọnu ti wọn.

Àkọlé àwòrán Ibudo ayewo fawọn akẹkọọ imọ iṣegun oyinbo ni Fasiti Pọta.

Abọ ipade ASUU lọjọ kejilelogun, oṣu kọkanla:

Image copyright Twitter

ASUU kọ̀ láti fopin si iyanṣẹlodi ti wọn gunle.

Ọga agba ẹgbẹ awọn olukọ fasiti, ni fasiti ọlọgba ẹranko ni Ibadan, Deji Omọle ti ṣalaye fawọn eniyan pe iyanṣelodi n tẹsiwaju.

O sọ eyi di mimọ leyin ipade ti ẹgbẹ ṣe pelu ikọ̀ ijọba apapọ ni ileeṣe ijọba apapọ to n mojuto eto ẹkọ ni Naijiria, eyi to wa nilu Abuja.

Eyi ni igba keji ti ikọ ijọba maa ṣe ipade pẹlu egbẹ ASUU ṣugbon to n fori ṣọnpọn.

O ni ohun ti ASUU n fẹ ni ki ijọba to wa lori oye yii mu ileri to ṣe lọdun 2017 ṣẹ lasiko.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionỌ̀pọ̀ òṣìṣẹ́ elétò ìlera ló ti n lo tọ̀nà ìgbàlódé láti fiṣe àkọsílẹ̀

Ipade mii ti wọn fẹ ṣe lọjọ kejilelogun, oṣu kọkanla.

Ni ọgba ileeṣẹ ijọba apapọ to n mojuto eto ẹkọ, nilu Abuja ni ipade naa yẹ kó ti waye.

Àkọlé àwòrán ọ̀dọ́ ni agbara orilẹ-ede nibi ti eto ẹkọ ti ṣe koko

Lọjọ kẹẹdọgbọn, oṣu yii ni wọn ṣe ipade gbẹyin ni eyi ti wọn ko fẹnu ọrọ jona si.

Ọjọgbọn Biọdun Ogunyẹmi, to jẹ aarẹ ẹgbẹ àwọn olukọ ni Naijiria ni ipade naa yoo fun wọn laaye lati yanju ọrọ iyanṣẹlodi to n lọ lọ́wọ́.

Igbakeji agbẹnusọ fun ile iṣẹ ijọba apapọ to n risi eto ẹkọ ni Naijiria, Ben Going ni oun gbagbọ pe, loni ni gbogbo ọrọ naa a yanju.

Ikọ ijọba apapo ti minista fun ọrọ awọn oṣiṣẹ, Chris Ngige n ṣaaju ni yoo ba wọn ṣe ipade.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionỌba Olutayọ: ìgbésẹ̀ Ọọni àti Alaafin ti ń mú ìṣọ̀kàn dé sáàrin àwọn Ọba Yorùbá
Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionASUU Strike: Bí àwọn kan se dunnú, làwọn kan fajúro

Ìjọba àpapọ̀ ti ṣèpàdé pẹ̀lú àwọn adarí ẹgbẹ́ àwọn oṣìṣẹ́ fásitì Nàìjíríà lórí ìyanṣẹ́lódì àwọn ilé ìwé giga ti ìjọba tó bẹ̀rl lọ́jọ́ kẹrin, oṣù kọ́kànlá.

Àwọn tó wà níbi pàdé pàtàkì yìí tí wọ́n ṣe ní ìdákọ́nkọ́ ni Ààrẹ ẹgbẹ́ àwọn òṣìṣẹ́, ọ̀jọ̀gbọ́n Biodun Ogunyemi tó dári ikọ̀ náà.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionÌgbé ayé Instagram fún ọ́sẹ̀ kan

Àwọn míì tó wà níbi ìpàdé ọ̀hún ni olùṣirò owó àgbà ti orílẹ̀èdè yìí àti akọ̀wé àgbà ilé iṣẹ́ tó ń rí sí ètò ẹ̀kọ́.

Àwọn olùkọ fásitì bẹ̀rẹ̀ ìyanṣklódì náà ní láti jà fún àìṣe àmúṣẹ àwọn àdéhùn lórí ìtọjú àwọn òṣìṣẹ́.

Ẹ̀wẹ̀, àwọn olùkọ́ni náà gbàgbọ́ pé ìpàdé mìí tí wọ́n yóò ṣe lọ́sl tó mbọ̀ yóò so èso rere eléyìí tí mínísítà fúnrarẹ̀ yóò wà níbẹ̀.

Màá gbé ASUU lọ'lé ẹjọ́ bí wọ́n bá dí mi lọ́wọ́ iṣẹ́

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption'Èmi kìí ṣe ọmọ ẹgbẹ́ ASUU'

Ajeje ọwọ kan ko gbẹru dori, agbajọ ọwọ ni aa fi n sọya ni Yoruba maa n wi. Ṣugbọn bii ti Ọjọgbọn Sunday Edeko olukọni ni fasiti Ambrose Ali nipinlẹ Edo kọ, lẹyin to kilọ fun ajọ ASUU pe oun ko fọwọ si iyanṣelodi ti wọn gunle.

Ọjọgbọn Edeko ni ajọ ASUU ko lẹtọ labẹ ofin lati di oun lọwọ nibi ti oun ba ti n kọ awọn akẹẹkọ, nitori oun kii ṣe ọmọ ẹgbẹ ajọ naa.

O kilọ pe oun yoo gba biliọnu mẹwaa owo naira ti ajọ naaba tun di oun lọwọ iṣẹ.

ASUU, CONUA tako ara wọn lórí iyansẹ́lódì

Image copyright @OfficialOAU
Àkọlé àwòrán Lọjọ aiku ni ASUU paṣẹ ki gbogbo awọn olukọ fasiti lorilẹede Naijiria o gunle iyanṣẹlodi

Ede aiyede diẹ bẹ silẹ lọgba fasiti Ọbafẹmi Awolọwọ to wa nilu Ilẹ Ifẹ lori iyanṣẹlodi ẹgbẹ olukọni fasiti, ASUU to n lọ lọwọ.

Ọjọ iṣẹgun ni awọn olukọ labẹ ASUU lọgba fasiti naa to darapọ mọ iyanṣẹlodi lẹyin ipade wọn.

Wọn ni ko si idi fun awọn lati ma lee darapọ mọ iyanṣẹlodi naa ati pe awọn ti paṣẹ fun awọn akẹkọ lati gba ile lọ.

Àwọn iròyin tì ẹ leè ní ìfẹ̀ síí:

Amọṣa ẹgbẹ awọn olukọ fasiti miran eleyi to yapa kuro lara ẹgbẹ ASUU ni fasiti naa, ti wọn si pe orukọ ara wọn ni Congress of University Academy (CONUA) pẹlu gbe ikede jade pe digbi ni awọn wa lẹnu iṣẹ ni tawọn nitori aṣẹ ASUU ko kan awọn.

Image copyright Emmanuel oloye
Àkọlé àwòrán ASUU ṣalaye pe o di igba ti ijọba apapọ ba mu adehun to baa ṣe ṣẹ ki awọn to pada si ẹnu iṣẹ

Bakan naa ni wọn tun paṣẹ pe eyikeyi akẹkọ to ba lọ sile yoo da ara rẹ lẹbi ni nitori pe, "igbimọ alaṣẹ ileewe fasiti yii nikan lo lee paṣẹ pe ki awọn akẹkọ maa lọ sile."

Alaga ẹgbẹ ASUU ni fasiti naa, Ọmọwe Adeọla Ẹgbẹdokun ṣalaye pe o di igba ti ijọba apapọ ba mu adehun to ba ẹgbẹ olukọ fasiti ṣe ṣẹ ki awọn to pada si ẹnu iṣẹ gẹgẹ bii igbimọ apapọ ẹgbẹ naa ti ṣe dari.

Ọmọwe Niyi Sunmọnu to jẹ alaga Congress of University Academy (CONUA) ṣalaye pe ko si olukọni ti o lagbara lati paṣẹ ki akẹkọ maṣe wa sile iwe ati pe ẹni to ba jẹ ninu owo adebisi nii pe ni baba layẹyẹ.

Eyi tunmọ si wi pe awọn olukọni fasiti to ba wa labẹ ẹgbẹ ASUU nikan ni aṣẹ wọn mulẹ le lori.

ASUU Strike: Àwọn akẹ́kọ̀ọ́ kan dunnú, àwọn míràn fajúro

Àkọlé àwòrán ko si si olukọ kankan ninu awọn yara ikẹkọ lati sisẹ ni ọgba fasiti Ibadan

Ẹgbẹ awọn olukọ ilẹ ẹkọ giga fasiti ijọba lorilẹede Naijiria (ASUU), ẹka ti fasiti Ibadan (UI), naa darapọ mọ awọn akẹgbẹ wọn jakejado orilẹede yii ninu iyanṣẹlodi alainigbedeke to bẹrẹ lọjọ aje.

Wọn dẹgun le iyanṣẹlodi naa lati fi ẹhonu han lori ikuna ijọba lati mu adehun ṣẹ.Lasiko ti ikọ iroyin BBC Yoruba ṣe abẹwo si ọgba ile ẹkọ giga naa lowurọ ọjọ aje, ẹnu ọna abawọle ile ẹkọ naa wa ni ṣiṣi silẹ, bẹẹ si ni ọgọrọ awọn akẹkọ n rin sokesodo, bo tilẹ jẹ wipe ko si olukọ kankan ninu awọn yara ikẹkọ to n bẹ ninu ọgba ile ẹkọ naa.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionIreti Yusuf: Ìsòro àti fẹjọ́ sùn ló ń mú kí ìwà ìfipábánilòpọ̀ gbilẹ̀ si

ASUU ati SSANU kọ̀ lati sọ̀rọ̀

Gbogbo igbiyanju lati ba awọn aṣoju ẹgbẹ ASUU, ẹka ile ẹkọ giga naa sọrọ lo ja si pabo, gẹgẹ bi ọkan lara awọn aṣoju ẹgbẹ naa, Deji Ọmọle ṣe s'alaye wipe ko tii t'asiko lati ba awọn oniroyin sọrọ.Bakan naa ni ikọ BBC Yoruba ṣe abẹwo si ofisi ẹgbẹ awọn olukọ agba(SSANU) ẹka ti fasiti ilẹ Ibadan, lati le mọ iha ti wọn kọ si iyanṣẹlodi naa, sugbọn awọn ọmọ ẹgbẹ kọ lati ba oniroyin sọrọ nitori alaga wọn ko si lori ijoko.

Awọn ontaja ati awakọ lọgba fasiti fi igbe ta

Amọ lara awọn ontaja to ni sọọbu ninu ọgba ile ẹkọ giga naa gbarata lori ipa buburu ti iyanṣẹlodi naa yoo ko lori iṣẹ wọn.

Àkọlé àwòrán Se lawọn akẹkọ fasiti Ibadan duro gogogo lai mọ ohun ti wọn yoo se

Alaye wọn ni wipe, igbesẹ naa le dina atijẹ mọ wọn, nitori wipe nipasẹ ọja ti wọn ta fun awọn akẹkọ ni wọn fi n ri ọwọ mu lọ sẹnu, gẹgẹ bi wọn ṣe n l'anfani lati tọ awọn ọmọ ti wọn naa pẹlu.

Wọn parọwa si ijọba lati wa ojutu si ọrọ iyanṣẹlodi naa, ki o ma baa ṣe akoba fun okoowo wọn.Awọn awakọ ero naa ko gbẹyin ninu awọn eeyan to n rawọ ẹbẹ s'ijọba lori iyanṣẹlodi Asuu, gẹgẹ bi wọn ṣe fi kun ọrọ wọn wipe, wọn ko ni ri iṣẹ ṣe ti gbogbo akẹkọ ba fi ọgba ile ẹkọ naa silẹ nipasẹ iyanṣẹlodi awọn olukọ wọn.

Ero awọn akẹkọ yapa lori iyansẹlodi ASUU

Ariwisi awọn akẹkọ ṣe ọtọọtọ ninu ifọrọwanilẹnuwo ti ikọ BBC Yoruba ṣe pẹlu diẹ lara awọn wọn lori iyanṣẹlodi naa.Lara wọn sọ wipe, inu awọn dun si iyanṣẹlodi naa nitori wipe yoo fun wọn l'anfani lati lọ sinmi fun igba diẹ, sugbọn wọn ko fẹ ki isinmi naa kọja ọsẹ meji si mẹta.

Àkọlé àwòrán Àwọn akẹ́kọ̀ọ́ kan dunnú, àwọn míràn fajúro si iyansẹlodi Asuu

Awọn akẹkọ mii ṣe alaye wipe, ifasẹhin nla gbaa ni iyanṣẹlodi naa yoo jẹ fun eto ẹkọ wọn nitori wipe wọn tii n gbaradi fun idanwo ki ẹgbẹ awọn oluko to da iṣẹ silẹ.Bi awọn kan ṣe n rin sokesodo ninu awọn akẹkọ naa, ni awọn ẹlomii n gba bọọlu lori papa iṣere ile ẹkọ giga naa nitori airi iṣẹ ṣẹ lowurọ ọjọ Aje.

ASUU ni ipò tí kò dára táwọn fásitì wa lawọn ń jà fún

Apapọ ẹgbẹ́ awọn olukọ ni fasiti jakejado Naijiria, Academic Staff Union of Universities, ASUU, ti kede iyanṣẹlodi alainigbedeke ni gbogbo ẹka wọn.

Gẹgẹ bi wọ́n ṣe sọ, iyanṣẹlodi naa jẹ ọna lati fẹhonu han lori ipo ti awọn fasiti orilẹede Naijiria, nitori bi ijọba ko ṣe maa nawo le wọn lori daada.

Latẹnu Aarẹ Apapọ ẹgbẹ́ naa, Ọjọgbọn Biọdun Ogunyẹmi, ni ASUU gba kede iyanṣẹlodi ọhun, lopin ipade igbimọ alaṣẹ gbogboogbo to waye lọjọ kẹrin, oṣu Kọkanla, ọdun 2018, ni Fasiti Imọ Ẹrọ, FUTA, to wa niluu Akurẹ, nipinlẹ Ondo.

Image copyright Twitter

Wọn pa a laṣẹ fun gbogbo awọn olukọ ni fasiti jakejado orilẹede Naijiria, lati ṣiwọ iṣẹ loju ẹsẹ ti aṣẹ naa jade.

Aarẹ ẹgbẹ́ naa, gẹgẹ bi iwe iroyin Punch ṣe jabọ̀, sọ fun awọn akọroyin pe, awọn yoo fi iyanṣẹlodi ọhun naa tan bi owo pẹlu ijọba, lẹyin ti awọn reti idunadura to nitumọ, ṣugbọn ti ko waye.

Oṣu Kẹsan, ọdun 2017 ni ẹgbẹ́ naa so iyanṣẹlodi to ṣe kẹhin rọ, wọn si n fẹ ki ijọba mu gbogbo adehun to sẹ fun wọn lọdun 2009 ṣẹ.

Nkan o fararọ laarin ẹgbẹ awọn olukọni nileewe giga fasiti Ọbafẹmi Awolọwọ, OAU nilu Ile ifẹ.

Ẹgbẹ olukọni nileewe giga fasiti Ọbafẹmi Awolọwọ, OAU nilu Ile ifẹ ti fọ si meji bayii.

Laipẹyii ni awọn olukọni labẹ isakoso ẹgbẹ awọn olukọni fasiti lorilẹede Naijiria, ASUU se ifilọlẹ awọn ọmọ igbimọ isakoso rẹ tuntun ninu eyi ti Ọmọwe O. A. Ẹgbẹdokun ti di alaga tuntun.

Ni ọjọ kan naa ni ẹgbẹ miran to ya kuro labẹ ẹgbẹ ASUU ni fasiti naa ti wọn pe orukọ rẹ ni CONUA pẹlu yan awọn adari rẹ.

Wahala ati ede aiyede bẹ silẹ laarin awọn olukọni ileewe fasiti OAU lasiko ti awuyewuye suyọ lori ẹni ti yoo se giwa ileẹkọ naa ni ọdun 2017.

Image copyright oauife.edu.ng
Àkọlé àwòrán Ni ọsẹ to kọja ni ẹgbẹ CONUA de'lẹ lẹyin ti awọn olukọni fasiti ọhun kan ti ni awọn o faramọ bi nkan se n lọ laarin ẹgbẹ ASUU

Bi igun-igun kan an kan laarin awọn olukọ fasiti naa se faramọ ọkọọkan awọn to n du ipo ọhun nigba naa, lo fa iyapa to way laarin ẹgbẹ olukọni fasiti, ASUU nibẹ.

Lẹyin ọpọlọpọ hilahilo eleyi ti o fẹrẹ la ti isiwọluni lọ nigba naa,ni ẹgbẹ ba tuka si meji, ASUU gan an gan ati CONUA.

Ni ọsẹ to kọja ni ẹgbẹ CONUA ni awọn o faramọ bi nkan se n lọ laarin ẹgbẹ naa, ni wọn fi da ẹgbẹ tuntun yii silẹ.

Ninu ọrọ rẹ to sọ fawọn oniroyin, alaga ẹgbẹ ASUU nileẹkọ fasiti Ilọrin, UNILORIN, ọmọwe Usman Raheem ni 'wọn ti sọ ẹgbẹ ASUU di ẹgbẹ awọn alagbara kan.'

Amọsa alamojuto ASUU ni ẹkun iwọ oorun gusu Naijiria, Ọmọwe Alex Odili se apejuwe awọn olukọni to wa ni ẹgbẹ tuntun naa gẹgẹbii awọn ti ko ni ẹkọ tio rọ mọ ẹka imọ iwe.

Kii se ohun tuntun mọ wipe awọn ẹgbẹ ajafẹtọ osisẹ n fọ kaakiri bayii lorilẹede Naijiria, gẹgẹbi ati se rii ni aarin apapọ ẹgbẹ osisẹ gan an lorilẹede Naijiria, iyẹn NLC pẹlu.