Àwọn ọlọ́pàá tó mú Evans 'ajọ́mọgbé' gbá igbega

Awọn ọlọpaa Image copyright Getty Images
Àkọlé àwòrán Iwuri nla ni ikọ yii jẹ fun ileeṣẹ ọlọpaa Naijiria

Àwọn ọlọ́pàá márùnlélógójì lábẹ́ ìdarí Abba Kyari tí wọ́n ṣiṣẹ́ ní ẹ̀ka ìdáhùn ní kíákíá sí ìpè pàjáwìrì (ITR unit) gba ìgbéga tuntun látàrí ìṣẹ́ ribiribi tí wọ́n ti ṣe fún àjọ ọlọ́pàá pàápàá jùlọ nípa mímú àwọn ògbóǹtarìgì olè àti ajínigbé.

Ọ̀kan nínú ohun tí ó gbajúgbajà tí ó sọ àwọn ikọ̀ náà di ìlúmọ̀ọ́ká ni mímú Chukwudidumeme Onuamadike tí púpọ̀ èèyàn mọ̀ sí Evans ajínigbé.

Àmọ́ṣá, onírúurú àṣeyọrí ni àwọn ikọ̀ yìí ti ṣe sẹ́yìn, tó fi mọ́:

Gbígba ìyáa mínísítà fún ètòìṣúnáorílẹ̀èdè yìí nígbà kan rí, Ọ̀mọ̀wé Okonjo Iweala

Image copyright Facebook/Abba kyari
Àkọlé àwòrán Ibi to ba le la n bọmọ ọ̀kunrin, awọn iṣẹlẹ to ba le lawọn ikọ yii maa n da si

Ikọ yìí bákan náà ló mú Godogodo tó ń dá ìlú Ìbàdàn rú

Image copyright Facebook/Abba kyari
Àkọlé àwòrán Awọn adigunjale kii fẹ bọ sọwọ ikọ yii

Ọmọ ìyá mẹ́ta tí ọmọ ọ̀dọ̀ jí gbé àwọn iko yìí bákan náà ló mú u

Image copyright Getty Images
Àkọlé àwòrán Ọpọ igba ni araalu ti kun lori ijafafa ileeṣẹ ọlọpaa, ṣugbọ̀n ikọ yii ti fẹ maa yi ero yii pada

Bákannáà ni wọ́n lọ́wọ́ nínú bí wọ́n ṣe rẹ́yìn ògbójú ajínigbé tó ń jẹ́ Henry Chibueze tí àwọn ènìyàn mọ sí Vampire

Image copyright Getty Images
Àkọlé àwòrán Àwọn akẹgbẹ́ Kyari ń dáwọ̀ ìdùnú léyìn tí wọn mú Evans

Àwárí àwọn ọ̀daràn tó bọ́ lọ́wọ́ ọlọ́pàá nipinle Kogi

Láìpẹ́ yìí, àwọn ikọ̀ yìí kan náà ni wọ́n ṣe àwárí àwọn ọ̀daràn tó bọ́ lọ́wọ́ ọlọ́pàá nípínlẹ̀ Kogi, tí wọ́n sì ń wá ojútùú sí ìkọlù àwọn adigunjale tó wáyé n'ilu Offa ni ìpínlè Kwara tí wọn sì ti mú àwọn kan tó nisẹ pẹ̀lú ìṣẹ̀lẹ̀ náà.

Image copyright Abba kyari/facebook page
Àkọlé àwòrán Ikọ̀ yìí tun ti bẹrẹ iṣẹ lori idigunjale to waye nilu Ọffa

Àwọn iròyin tì ẹ leè ní ìfẹ̀ síí: