Ọ̀fọ̀ àwọn márùn ún ni Leicester City tún ti gbomi lójú àwọn èèyàn

Àwọn agbabọọlu Leicester City gba ami ayo òdo si òdo pẹlu ẹgbẹ́ agbabọọlu Bunley lẹyin ti wọn dágbére fún Vichai Srivaddhanaprabha, to jẹ́ baba olówó wọn pẹlu ibanujẹ ọ̀kan.

Ìṣẹ̀lẹ̀ ọ̀fọ̀ loriṣiiriṣi ló ti ṣẹlẹ sẹyin ninu agboole awọn eléré bọọlu lagbaye.

1) Eyi to ṣẹlẹ kéyin lasiko yii ni ti eyi to mu ẹ̀mi baba olówó Liecester City lọ lọjọ kẹtadinlọgbọn, oṣu kẹwaa, ọdun 2018.

Eyi ṣẹlẹ nigba ti ijamba ọkọ ofurufu naa mu ẹmi ẹni marun un lọ lẹba papa iṣere ti wọn ti lọ gba bọọlu.

oko ofurufu Image copyright @leicester
Àkọlé àwòrán Vichai Srivaddhanaprabha atawọn marun un dagbere faye ninu ijamba naa

2) Ẹgbẹ́ agbabọọlu Chapecoense ti Brazil:

Ọdun 1973 ni wọn da ẹgbẹ agbabọọlu yii silẹ.

Ijamba ọkọ ofurufu wọn ṣẹlẹ ni ọjọ kọkandinlọgbọn, oṣu kọkanla, ọdun 2016 nigba ti ọkọ ofurufu wọn foriṣọnpọn ni ori oke kan ni Colombia.

Eniyan mẹtadinlọgọrin pẹlu awọn oniroyin ni wọn wa ninu ọkọ ofurufu naa nigba ti wọn n lọ fun idije Copa Suda Mericana.

Ẹni mẹta péré lori kó yọ ninu ijamba naa.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionTony Elemelu Foundation: Gbogbo okòwò ló ní ìdojúkọ

3) Ẹgbẹ́ agbabọọlu Chipolopolo ti Zambia:

Ijamba to gbomi loju àwọn ololufẹ ere bọọlu yii ṣẹlẹ lọjọ kẹtalelogun, oṣu kérin, ọdun 1993 sawọn ọmọ ẹgbẹ agbabọọlu Chipolopolo.

Ìṣẹlẹ ibi naa ṣẹlẹ ni opin odo Atlantic ni ẹkun Gabon, nigba ti ọkọ ofurufu ologun ti o n ko eniyan ọgbọn pẹlu àwọn agbabọọlu naa dànù.

Lati agbegbe Libreville ni orilẹ-ede Gabon ni wọn ti gbera.

Gbogbo wọn lo ku sinu ijamba náà.

4) Ẹgbẹ́ agbabọọlu Manchester United:

Ọdun 2018 lo pe Ọgọta ọdun ti iṣẹlẹ buruku yii ṣẹlẹ lagbo eré bọọlu lagbaye.

Ọjọ kẹfa, oṣu keji, ọdun 1958 ni baalu to n gbe eniyan mẹrinlelogoji ninu eyi ti agbabọọlu Man U meje wa ninu wọn já.

Papakọ ofurufu Munich ni ọkọ baalu yii ti danu.

Eniyan mẹtalelogun lo doloogbe ninu iṣẹlẹ ọhun nigba ti wọn dóòlà ẹ̀mí àwọn mọkanlelogun.

ofọ Man u Image copyright Getty Images
Àkọlé àwòrán Ọfọ ṣẹ̀ lagboole Man U

Ijamba ọkọ̀ ti Naijiria fi ṣọ̀fọ̀ lagbo eré bọọlu:

1) Ikọ̀ agbabọọlu Special Eagles:

Ọjọ́ kẹẹdọgbọn, oṣù kẹwaa, ọdun 2018 ni ẹgbẹ agbabọọlu awọn àkàndá ẹ̀dá fún Naijiria ni ìjamba ọkọ̀ nigba ti wọn n lọ si Abuja.

Eyi ṣẹlẹ lasiko ti wọn n palẹmọ lati lọ fun idije ife ẹyẹ agbaye fawọn akanda ẹ̀dá.

Ko si ẹnikankan to ku ninu wọn ṣugbọn awọn mii farapa.

agbabọọlu Image copyright @specialfj
Àkọlé àwòrán ikọ̀ special eagles to lọ ṣoju Naijiria ninu idije akanda ẹ̀dá ti fidi rẹmi

2) Jimeta FC:

Lọjọ kẹẹdọgbọn, oṣù kinni, ọdun 2009 ni àwọn ẹgbẹ agbabọọlu yii nijamba ọkọ lasiko ti wọn n lọ si Abuja fun idije kan.

Opopona Akwanga nijamba ọkọ yii ti ṣẹlẹ lẹyin ti wọn kuro nipinlẹ Plateau.

Awọn mẹẹdogun lo dologbe ninu iṣẹlẹ ibi naa. Awọn mọkanla lo ṣalaisi loju ẹsẹ̀ nigba ti awọn mẹrin kú leyin ti wọn gbe wọn de ile iwosan.

3) Rock City Queens:

Lọjọ kọkanlelogun, oṣu kejila, ọdun 2008 ni àwọn agbabọọlu ọdọmọbinrin yii kagbako ninu iṣẹlẹ buruku yii.

Ọkọ wọn lẹri mọ mọto mii lopopona marosẹ nigba ti wọn n kuro nipinlẹ Plateau.

Àwọn ọdọbinrin mejidinlogun lo doloogbe ninu iṣẹlẹ ibanujẹ naa ti wọn si ẹni kan ṣoṣo doola ẹmi ẹ.

Ẹgbẹ́ agbabọọlu Leicester City ṣọfọ baba olowo wọn

olowo leicester Image copyright PA
Àkọlé àwòrán olowo ẹgbẹ agbabọọlu Leicester wa ninu ọkọ baalu naa nigba to ṣẹlẹ

Bàálú ẹgbẹ́ agbábọ́ọ̀lù Leicester City tó já tí mú ẹmi olówó ìkọ̀ agbábọ́ọ̀lù náà lọ.

Olowo to ju olowo mii lọ ọmọ orilẹ-ede Thailand, Vichai Srivaddhanaprabha lo doloogbe bayii.

Eléyìí di mímọ̀ nínú àtẹ̀jade tí ẹgbẹ́ agbábọ́ọ̀lù náà fi síta ní bi ti wọn ti ṣàlàyé pé ẹ̀dùn ọkàn ńlá ní láti fìdí ẹ múlẹ̀ pé alága ẹgbẹ́ náà, Vichai Srivaddhanaprabh ti papòda látàrí ìṣẹ̀lẹ̀ náà.

Wọn ní alága ọ̀hún wà láàrín àwọn tó pàdánù ẹmí wọn nínú ọkọ̀ ofurfu tó gbé àwọn mẹ́rin to já nínú báàlù ní ìta King Power Stadium tí ko sì sí ẹni to yè nínú wọn.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption#Adetutu Alabi OJ: Mo ti gba kámú lórí ilà ojú mi

Ẹgbẹ́ agbábọ̀ọ̀lù náà ní àwọn ń fi gbogbo ara kẹ́dùn pẹ̀lú àwọn ẹbí alága àti gbogbo àwọn to ti di olóògbé nínú iṣẹ̀lẹ̀ náà.

Wọn ni ìwé ìbáni kẹ́dùn ti àwọn yóò pín de ọ̀dọ̀ àwọn ẹbi yóò wà ni sísí sílẹ̀ níwàjú King Power Stadium láti [[ago mẹ́jọ ní ọjọ iọgbọ̀n ọjọ́ oṣù kẹwàá

Leicester City: Olówó ẹgbẹ́ agbábọ́ọ́lù wà nínú ọkọ́ òfúrufú rẹ̀ tó jábọ́

Image copyright LIAM HOPKIN / @HOPKIN_LIAM
Àkọlé àwòrán Awọn ti isẹlẹ naa soju rẹ sọ wi pe eefin ati ina bu gbamu bi ọkọ naa se jabọ

Olowo ẹgbẹ agbabọọlu Leicester City, Vichai Srivaddhanaprabha, wa ninu ọkọ ofurufu rẹ to jabọ.

Ijamba ọkọ ofurufu to jabọ lẹyin igba diẹ to gbera naa waye lẹyin ifẹsẹwọnse ti Leicester City ati Westham United ti gba ọmi ayo kọọkan( 1-1) .

Awọn ti isẹlẹ naa soju rẹ sọ pe eefin ati ina bu gbamu bi ọkọ naa se jabọ lẹyin to gbera kuro ni papa isere King Power Stadium ni Ọjọ Satide.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media caption67 year old mother: Mo kojú ọ̀pọ̀lọpọ̀ àìsàn fún ọdún 35 lẹ̀yín ìgbéyàwò

Ọpọlọpọ wọn lo ti n kẹ́dùn iku Vichai Srivaddhanaprabha lori èrò ayelujara.

Leicester City lo ni àwọn agbabọọlu to jẹ ọmọ ilẹ̀ Adulawọ to pọju ninu Premier League.

Atamatase ẹlẹsẹ ayo ọmọ Naijiria, Kelechi Ihenacho gbadura pé:

Bakan naa ni Wilfred Ndidi naa gboriyin fun oloogbe o ṣe daadaa pẹlu gbogbo ọmọ ẹgbẹ agbabọọlu naa nigba aye rẹ.

Rachid Ghezzal agbabọọlu Algeria kọ pé ki Ọlọrun tẹ ologbe si afẹfẹ rere pẹlu adura pẹ ki Oluwa duro ti àwọn ẹbi rẹ̀.

Àwọn mii bii Fousseni Diabaté agbabọọlu lati Mali, Daniel Amartey, lati Ghana pẹlu Ahmed Musa, agbabọọlu Naijiria naa sọrọ lori ìwà, iṣesi ati ẹkọ ti wọn kọ paapaa lori iku oloogbe naa.

Lọdun 2016 lo fi ọkọ BMW i8 tuntun ta àwọn agbabọọlu naa lọrẹ nigba ti wọn gbegba oroke ninu idije Premier League.

Amọ, ko i tii han si gbangba iye awọn eniyan to farapa ninu ijamba ọkọ ofurufu naa.

Image copyright @petewhite
Àkọlé àwòrán Ami ayo ọmi kọọkan ni ẹgbẹ Leicester gba ki ijamba naa to ṣẹlẹ

"A nífẹ ọmọ Naija wa, ara wa níi ṣe''

Ọrọ ìkíni rèé ti ẹgbẹ́ agbábọ́ọ̀lù Arsenal fi síta lójú òpó Twitter wọn líti fi bá agbábọ́ọ̀lù ọmọ Nàìjíríà ńnì, Alex Iwobi, yọ̀.

Image copyright Getty Images
Àkọlé àwòrán Iwobi ti gba goolu mẹrindinlogoji wọnu awọn ninu ifẹsẹwọnsẹ méjìlènígba ninu gbogbo idijẹ to kọpa fun Arsenal.

Ọjọ́ àbámẹ́ta tíi ṣe ọjọ́ kẹ́ẹ̀tàdínlọ́gbọ̀n Oṣù kẹẹ̀wá ni àyájọ àgbà àkọ́kọ́ tí Alex Iwobi gbá fún ikọ̀ Arsenal àgbà lọ́dún 2015.

Ọmọ ọdún méjìlélógún ọ̀hún ti fìdí múlẹ̀ gẹ́gẹ́ bíi ògúnágbòńgbò ẹgbẹ́ agbábọ́ọ̀lù Arsenal tí ó sì tí gbá góòlù mẹ́rìndínlógójì wọnú àwọ̀n nínú ìfẹsẹ̀wọnsẹ̀ méjìlènígba nínú gbogbo ìdíjẹ tó kọ́pa fún ẹgbẹ́ náà láàárín ọdún mẹ́ta.

Balógun ikọ̀ Super Eagles nigbà kan rí 'Jay-Jay' Austin Okocha ni Iwobi sọ pé o jẹ́ ẹni tó jẹ́ àwòkọ́ṣe fún òun nídi eré bọ́ọ̀lù.

Ẹ̀gbọ́n ni Okocha jẹ́ fún màmá tó bí Iwobi.

Ọ̀pọ̀ àwọn olólùfẹ́ rẹ̀ ló ti ń fi ọ̀rọ̀ ìkíni ránṣẹ́ láti báa yọ̀.

Iwobi ti jẹ góòlù kan nínú ìfẹsẹ̀wọnsẹ̀ mẹ́fà tó ti kópa fún Arsenal ní sáà bọ́ọ̀lu yíì tí ó sì báwọn bẹ̀rẹ̀ ìfẹsẹ̀wọnsẹ̀ mẹ́rin .