Ìdíje AWCON: Nàìjíríà fi ẹ̀yìn Cameroon janlẹ̀

Super Falcons Image copyright Superfalconsfanspage
Àkọlé àwòrán Ẹgbẹ agbabọọlu obinrin Naijiria, Super Falcons

Ẹgbẹ agbabọọlu obinrin Naijiria, Super Falcons ti bori ẹgbẹ agbabọọlu obinrin ti orilede Cameroon ninu ifẹsẹwọnsẹ to kagun si aṣekagba ninu idije AWCON to n lọ lọwọ.

Oni loni n jẹ ẹni a bẹ lọwẹ, ṣaaju, akọnimoọgba ikọ Super Falcons Thomas Dennerby fọwọ sọya pe Naijiria yoo fagba han Cameroon lonii ninu idije ere bọọlu awọn obinrin ilẹ Afirika AWCON to n lọ lọwọ lorilẹede Ghana.

Dennerby ni awọn agbabọọlu oun ti gbaradi, wọn si ti ṣetan lati gbena woju Cameroon lori papa.

Ṣugbọn igbakeji ikọ Cameroon naa Bernadette Anong sọrọ, o ni gbogbo agbara lawọn o sa lati rii pe awọn fẹyin Naijiria gbolẹ ninu ifẹsẹwọnsẹ ọhun to kangun si aṣekagba.

Àwọn iròyin tì ẹ leè ní ìfẹ̀ síí:

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionJide Kosọkọ: Isẹ́ tíátà yóò gòkè tíjọba bá gbówó kalẹ̀ láti seré

Ẹgbẹ agbabọọlu Naijiria lo ṣe ipo keji ni isọri B lẹyin ti wọn jawe olubori ninu meji lara ifẹsẹwọnsẹ mẹta ti wọn gba ni ipele akọkọ, nigba ti Cameroon ṣi leke isọri A.

Ẹni to ba bori ninu awọn mejeeji ninu ifẹsẹwọnsẹ toni yoo lanfani lati kopa ninu idije ere bọọlu awọn obinrin lagbaye lọdun 2019 lorilẹede Faranse nibi ti awọn ẹgbẹ agbabọlu mẹta yoo ti ṣoju ilẹ Afirika.

Naijiria ati Cameroon ti pade nigba mẹwaa ninu idije AWCON, ṣugbọn ẹgbẹ agbabọọlu Naijiria fagba han Cameroon lẹẹmẹjọ ọtọtọ ti Cameroon si jawe olubori lẹẹkan ṣoṣo.

Image copyright Getty Images
Àkọlé àwòrán Asisat Oshoala ni agbábọ́ọ̀lù tó pegedé jù nínú ìfẹ́sẹ̀wọnsẹ̀ náà

Ifẹsẹwọnsẹ to kangun si aṣekagba keji fun toni yoo waye laarin South Africa ati Mali.

Nàìjíríà na Equatorial Guinea ní 6-0

Ògbóntarigì agbábọ́ọ̀lù Nàìjíríà, Asisat Oshoala wẹ̀ 'yan kàìn-kàìn nígbà tí ikọ̀ agbábọ́ọ̀lù Nàìjíríà na Equatorial Guinea pẹ̀lú àmì ayò 6-0.

Èsì ìfẹsẹ̀wọnsẹ̀ ọjọ́ Àìkú fi hàn pé Nàìjíríà àti South Africa yóò tẹ̀síwajú ló sí ìpele tó kágun sí àṣekágbá (Semi-final) nínú ìdíje bọ́ọ̀lù àwọn obìnrin l'Afrika (AWCON).

Francesca Ordega ló jẹ́ goolu akọ́kọ́ fun Nàìjíríà ní ìṣẹ́jú mẹ́wàá (10) sí ìgbà tí wọ́n bẹ̀rẹ̀ eré.

Ṣùgbọ́n lẹ́yìn ìṣẹ́jú mẹ́ta sí ìgbà náà ni Asisat Oshoala jẹ góòlù kejì fún Nàìjíríà.

Asisat tún gbá bọ́ọ̀lù sí àwọ̀n Equatorial Guinea nígbà tí eré di ìṣẹ́jú mẹ́tàlélógún (23).

Lẹ́yìn ìṣẹ́jú mẹ̀wàá ni Asisat tún jẹ góòlù rẹ̀ kẹẹ̀ta tó sọ góòlù Nàìjíríà di mẹ́rin.

Ayò wà ní 4-0 nígba tí wọ́n fi lọ ìsinmi abala ikinni ifẹsẹwọnsẹ naa.

Ìṣẹ́jú mẹ́ta sí ìgbà tí wọ́n padà láti ìsimi ní Ugochi Desire Oparanozie da kún un iṣoro Equatorial Guinea tí àmì ayò sì di 5-0.

Rita Chikwelu ló gbá góòlù ìkanyìn sí àwọ̀n Equatorial Guinea ní ìṣẹ́jú mẹ́tàlélọ́gọ́ta sí ìgbà tí wọ́n bẹ̀rẹ̀ eré.

Pẹlu esi yi, Nàìjíríà ti tẹsiwaju si ìpele tó kágun sí àṣekágbá nínú ìdíje AWCON.

Image copyright NGSuper_Falcons
Àkọlé àwòrán Naijiria ati Cameroon koju ara wọn lorilẹede Ghana