International Champions Cup: Kane fi góòlù àràmọ̀ndà kọ ojú Ronaldo s'óòrùn alẹ́

Harry Kane ati Cristiano Ronaldo Image copyright Getty Images

Ẹlẹsẹ ayo ẹgbẹ agbabọọlu Tottenham, Harry Kane gba goolu aramọnda sawọn Juventus ninu idije International Champions Cup ti wọn fi n gbaradi fun saa bọọlu to n bọ lorilẹede Singapore lọjọ Aiku.

Eric Lamela lo kọkọ gbayo wọ le fun ikọ Tottenham ninu ifẹsẹwọnsẹ ọhun ki Gonzalo Higuain to d'ayo naa pada.

Gbajugbaja agbabọọlu Juventus, Cristiano Ronaldo fọba lee pẹlu goolu keji fun Juventus nigba ti ere bọọlu ọhun pe wakati kan geere.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionYinka Ayefele: Oṣù àwọn ìbẹ́ta mi kò pé ní kò jẹ́ kí n kọ́kọ́ kéde ìbí wọn

Ṣugbọn agbabọọlu iwaju fun Tottenham sọ ifẹsẹwọnsẹ ọhun di ọmi alayo mejimeji(2-2) lẹyin to gba bọọlu mii sawọn ni iṣẹju marun din laadọrin.

Ikọ agbabọọlu mejeeji gbiyanju lati bori ninu ifẹsẹwọnsẹ yii titi ṣugbọn o dabi ẹni pe ko si ọna abayọ.

Image copyright Getty Images

Amọ, Kane to wọ le ni ipele keji ere bọọlu ya ọpọ oluworan lẹnu lẹyin to gba bọọlu lati aarin gbungbun ori papa ti bọọlu si wọ inu awọn lọ.

Eyi lo jẹ ki Tottenham bori Juventus pẹlu ami ayo mẹta si meji ninu ere bọọlu naa.