Jose Mourinho: Ayélujára ń hó yaya lórí ọ̀rọ̀ Mourinho pẹ̀lú Arsenal
Oríṣun àwòrán, Twitter/Express Sport
Yoruba bọ wọn ni bi ohun ti a n ba n jẹ ba tan, ohun ti a kii jẹ naa lo ku. Iroyin to n tẹ wa lọwọ lati ilẹ Gẹẹsi lo n sọ pe akọnimọọgba Chelsea ati Manchester United nifẹ si ko gba iṣẹ akọnimọọgba ẹgbẹ agbabọọlu Arsenal.
Ọrọ yii lọpọ eeyan n gba bi ẹni n gba igba ọti lori ayelujara opo Twitter papaajulọ lati igba ti Arsenal ti ri iya he lọwọ Liverpool ninu idije Carabao Cup ni papa iṣere Anfield lalẹ Ọjọru.
Iroyin sọ pe Mourinho n wa iṣẹ si ilẹ Gẹeṣi nitori nibẹ lo ti ṣaṣeyọri nibi to gba ife ẹyẹ idije Premier League nigba mẹta ọtọtọtọ.
- Ole mórí bọ́! Manchester United tún wẹ̀wù ìyà fún Chelsea lẹ́ẹ̀kan síi
- Èèdì rèé o! Olùkọ́ fẹgba lu akẹ́kọ́ọ̀bìnrin ọmọ ọdún mẹ́rìnlá pa ní yàrá ìkàwé
- Àwọn ọkùnrin tó wà nínú ayé wa gbúdọ̀ bọ̀wọ̀ fún wa - Olùdásílẹ̀ FIN
- Mo bí ìyá mi padà lẹ́yìn tó yọ sí mi lójú oorun- Iya Yetunde
- Ọmọ Nàìjíríà ló lè sọ bó yá ìdájọ́ òdodo nilé ẹjọ́ dá- Atiku Abubakar
- Wo orílẹ́èdè tí wọ́n tí ń dáwó ìsìnkú ara wọn pámọ́
Ilẹ iroyin ESPN tiẹ sọ pe Mourinho ṣetan lati ṣe akọnimọọgba ikọ Arsenal ti wọn ti fọwọ osi juwe ile fun Unai Emery.
Eleyi jẹ iyalẹnu fun ọpọlọpọ ololufẹ ere bọọlu papaajulọ idije Premier League nitori Mourinho sọrọ alufansa si Arsenal fun ọpọlọpọ ọdun.
Mourinho ti kọ lati gba iṣẹ akọnimọọgba ni ẹgbẹ agbabọọlu Benfica ati ikọ agbabọọlu kan lorilẹede China.
Bakan naa laagbọ pe o ṣeeṣe ki Mourinho pada si ikọ Real Madrid eleyi to ti tukọ rẹ ri tẹlẹ.