Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Jíjábọ̀ ohun tí ń lọ lọ́wọ́

Nípasẹ̀ Ahmed Ambali àti Busayo Akogun

Gbogbo àkókò tí a kọ jẹ́ ti UK

  1. O ba ni, ko bajẹ; Idibo yẹ ọjọ igbeyawo wọn amọ wọn dọgbọn si

    Pẹlu aworan awọn ibeji ti sisun ti wọn sun idibo siwaju ṣe akoba fun ọjọ igbeyawo wọn ni a n dagbere fun yin.

    Ọjọ kẹtalelogun oṣu Keji lo yẹ ki igbeyawo naa waye, ṣugbọn wọn sun un sẹyin si ọjọ kejilelogun.

    Ẹ le wo ifọrọwanilẹwo pẹlu wọn ni

    Owurọ ọjọ Abamẹta ni ki ẹ darapọ mọ wa fun ẹkunrẹrẹ iroyin lori eto idibo gbogboogbo kaakiri Naijiria.

    Ọkọ ati iyawo
    Image caption: Sisun ti INEC sun idibo ṣe akoba fun igbeyawo awọn ibeji yii.
    Gbọngan ayẹyẹ
    View more on facebook
  2. Okun inu... Awọn ara Oṣogbo yabo ọja ounjẹ

    Awọn olugbe ipinlẹ Ọṣun n jade kẹti-kẹti lati ra ounjẹ pamọ ni imurasilẹ fun idibo gbogboogbo ni Ọja Orisunbare, Osọgbo.

    Awọran karakata nilu Osogbo
    Awọran karakata nilu Osogbo
  3. Wọn yin ibọn lakọ-lakọ nitosi ileeṣẹ INEC ni Bayelsa

    Lakọ-lakọ ni iro ibọn n dun nitosi ileeṣẹ ajọ INEC to wa ni Yenogoa, olu ilu ipinlẹ Bayelsa.

    O ṣeeṣe ki ẹnikan ti ku.

    Ni bayi ti idibo ko pe wakati mẹrinlelogun mọ ti yoo waye, INEC ko ti i pin awọn nkan elo idibo ni ipinlẹ Bayelsa.

    Iroyin ta gbọ ni pe awọn janduku to n jale lagbegbe naa ni awọn ologun ṣina fun ti ọkan ninu wọn si faragbọta.

    Asita ibọn lo pa ọlọmọlanke kan ti awọn eeyan meji miran si farapa.

    Aworan awọn ti wọn gbe ẹni ti ibọn ba
    Image caption: Eeyan meji lo farapa ninu iyinbọn to waye lẹgbẹ ileeṣẹ Inec ni Yenegoa
  4. Déjì Akurẹ f'oro gbe ọja Olukayọde

    Aworan Oja Oba
    Image caption: Olukayode ni Ọja ọba ni awọn to n ta nnkan erọ alagbeka wa
    Aworan Ọja Ọba
    Aworan ọja Oba nilu Akure
    Image caption: Nkan elo fẹ wọn diẹ gẹgẹ bi ohun ti awọn ọlọja sọ fun akọroyin wa

    Apa kan ọja Ọba nilu Akure ti ọpọ eeyan mọ si Olukayode ni Deji Akure ti fi oro gbe saaju idibo Aarẹ ọjọ abamẹta.

    Ohun ti eyi tunmọ si ni pe karakata kankan ko ni waye nibẹ titi ti Ọba ba paṣẹ yii pada.

    Ikọlu to waye nibẹ la gbo pe o ṣe okunfa igbesẹ yi amọ lawọn apa ibomiran lọja naa,karakata n lọ lai si idiwọ kankan.

    Awọn olọja ti akọroyin wa ba sọrọ salaye fun BBC Yoruba pe niṣe ni nnkan elo wọn ni ọja saaju idibo.

  5. Ọgbọn kii tan l'aye, ka wa lọ s'ọrun

    K'oju ma ri ibi' ni awọn agbonfinro yii fi ọrọ ṣe ni ipinlẹ Bayelsa.

    Niṣe ni wọn n so ike omi to sófo mọ awọn ibọn wọn. Wọn ni awọn ike naa ko nii jẹ ki ibọn wọlẹ sinu omi ti ọkọ oju omi ti wọn wọ ba ni ijamba.

    Awọn oṣiṣẹ alaabo naa wa lara awọn ti yoo pese aabo fun idibo fun awọn agbegbe to wa l'eti omi.

    Awọn ọlọpaa to n so ike omi mọ ibọn wọn
    Awọn ọlọpaa to n so ike omi mọ ibọn wọn
  6. Saaju idibo,lasiko ati lẹyin idibo,gbogbo iroyin laa mu tọ yin wa

    Video content

    Video caption: #NigeriaDecides: BBC ti wa ni gbogbo ìpínlẹ̀ Naijiria láti firoyin gbogbo tóo yin létí
  7. Paroparo ni Ibudokọ da ni Ilọrin ati Akurẹ

    Funmi Jokotade

    BBC Yoruba, Lagos

    Niṣe ni aroye gba ẹnu awọn awakọ ati ero ni ibudoko nipinlẹ Kwara ati Ondo lọjọ Ẹti pẹlu bi koṣe si ero to n rinna saaju idibo ọjọ abamẹta.

    Ni awọn ibudokọ ti akọroyin wa ṣabẹwo si, niṣe ni awọn awakọ n ṣaroye pe awọn eeyan ko ririnajo lọtẹ yi lati lọ dibo.

    Video content

    Video caption: Ibudokọ da nipinlẹ Ondo ati Kwara
  8. Inec ko ti pin eroja idibo si ijọba ibilẹ kankan ni Bayelsa

    Pẹlu bi idibo ṣe ku wakati diẹ ko waye, ajọ INEC nipinlẹ Bayelsa ko ti pin awọn eroja idibo si ijọba ibilẹ kankan titi di bi a sẹ n jabọ iroyin yii.

    Aworan awọn oṣiṣẹ Inec
    Image caption: Awọn oṣiṣẹ Inec ṣi n duro nileeṣẹ Inec ni Yenegoa fun eroja idibo
    aworan awọn oṣiṣẹ Inec ni Yenegoa
    Image caption: Awọn oṣiṣẹ Inec ṣi n duro nileeṣẹ Inec ni Yenegoa fun eroja idibo
  9. Ohun gbogbo ti wa ni ṣẹpẹ ni Akwa Ibom,Benue-Inec

    Moseph Ekine

    Broadcast Journalist Pidgin

    Ajọ eleto Idibo ni ipinlẹ Akwa Ibom ati Ipinlẹ Benue ni gbogbo ohun elo fun idibo ọjọ abamẹta lawọn ti fi ṣọwọ sawọn ijọba ibilẹ ti wọn yoo ti lo wọn.

    Nentawe Yilwatda to jẹ alamojuto eto idibo nipinlẹ Benue ni lati ọjọru lawọn ti fi wọn ranṣẹ si ijọba ibilẹ mẹtalelogun to wa nipinlẹ naa.

    Ni ti Akwa Ibom,Mike igini to n mojuto eto idibo fun Inec ni diẹ ninu awọn nnkan idibo ẹlẹ ge lo ku.

    O ni awọn ti fi pupọ awọn nnkan elo idibo ranṣẹ si awọn ijọba ibilẹ mọkanlelọgbọn.

    O fi idaniloju han si awọn oṣiṣẹ awakọ NURTW pe ohun to ṣẹlẹ lọsẹ to kọja ti awọn janduku da'na sun ọkọ wọn ko ni waye lọtẹ yi.

    Aworan nnkan elo idibo ni Akwa Ibom
    Image caption: Awọn nnkan elo idibo to ṣẹku ni Akwa Ibom
  10. Ọwọ NDLEA tẹ ọkunrin to pa PVC 244 mọra l'Akwa Ibom

    Ọwọ awọn oṣiṣẹ ajọ to n gbogun ti lilo ati tita egboogi oloro l’orilẹede Naijiria, NDLEA tẹ ọkunrin kan to di ojileni irinwo kaadi oludibo mọra nipinlẹ Akwa Ibom

    Ọkunrin naa ti wọn pe orukọ rẹ ni Okon Bassey ni ọwọ tẹ nijọba ibilẹ Mbo.

    Yatọ si awọn kaadi ti wọn ba lọwọ rẹ, wọ́n tun ba ọọdunrun le mẹwa ẹgbẹrun Naira lọwọ rẹ.

    Ajọ NDLEA sọ pe ọwọ tẹ ọkunrin naa lasiko ti wọn nṣe ayẹwo kaakiri awọn ilu kan.

    Nibayii, wọn ti fa ọkunrin ohun le ajọ INEC lọwọ.

    Kaadi dibo Inec
    Image caption: Aworan kaadi idibo ọlọjọ pipẹ PVC
  11. Ebi kii wọ inu ki ọrọ mi wọ

    Mansur Abubakar

    BBC Pidgin, Kano

    Arakunrin 'Mai-Tea' yi niwaju ileeṣẹ Inec nilu Kano ti le tente de awọn oṣiṣẹ Inec pe bi ọrọ naa ba ti n ṣe bi ebi diẹ diẹ,ohun wa nikalẹ.

    Akẹgbẹ rẹ to n ran bata na ko gbẹyin

    Aworan Mai Tea
    Image caption: 'Mai Tea' nileeṣẹ Inec nilu Kano
    Aranbata
    Image caption: Aworan aranbata
  12. Orukọ awọn to fẹ ba Inec ṣiṣẹ ni Calabar n fa ikunsinu

    Awọn to fẹ ba Inec ṣiṣẹ ni Calabar n faraya lori aisi orukọ wọn lori patako ibi ti Inec forukọ awọn to pegede si.

    Lara awọn ti wọn ba BBC sọrọ sọ pe awọn kopa ninu idanilẹkọ Inec ṣugbọn iyalẹnu lo jẹ wi pe awọn ko ri orukọ awọn.

    Frankland Briyai to jẹ oludari Inec nipinlẹ Cross River ni ẹni ti ko ba ri orukọ rẹ kii ṣe ojulowo awọn ti o kopa ninu idanilẹkọ wọn.

    Aworan awọn to fẹ ba Inec ṣiṣẹ ni Calabar
    Image caption: Pupọ ninu awọn to wa wo orukọ wọn ni ko ri nilu Calabar
  13. Ibo ti wọn sun siwaju da omitutu sọkan awọn ero ọkọ

    Àwọn awakọ èrò n'ilu Ilọrin n kérora 'kò sí èrò' nítorí olukuluku ń bẹru ohun tó lè ṣẹlẹ̀ ati pe bi wọn ṣe sun idibo siwaju tí dá omi tútù sì áwon ènìyàn lọ́kàn, wọn ò sì rin ńirin àjò.

    Akọroyin wa to ṣabẹwo si ibudokọ Èrò Ọmọ ni Offa Garage, Ilọrin mu iroyin wa pe niṣe lawọn awako joko silẹ nitori pe ko si ero.

    Bakan naa ni ọmọ ṣe ori ni ipinlẹ Ondo.

    Awọn ibudokọ Akure
    Image caption: Aworan ibudoko nilu Akure
    aworan awọn awakọ nilu Ilorin
    Image caption: Awọn awakọ ni Garage Offa ko ri ero
  14. Awọn ọmọ Naijiria gba isinmi lẹnu iṣe nitori idibo

    Lọwọlọwọ ti a n sọrọ yi, awọn oṣiṣẹ ijọba lorileede Naijiria n ṣe faaji pẹlu isinmi ọlọjọ kan saaju idibo ti yoo waye lọjọ Abamẹta.

    Amọ kii ṣe gbogbo eeyan ni yoo jẹ anfaani yi.

    Awọn oṣiṣẹ ile ifowopamọ ati awọn oṣiṣẹ ti iṣẹ wọn jẹ ko ṣe maa ni bi awọn oṣiṣẹ ilera ati awọn agbofinro ko ni lanfaani isinmi yi.

    Aworan ile ifowopamọ agba Naijiria
    Image caption: Awọn oṣiṣẹ ile ifowopamọ ko ni bawọn gbadun isinmi yii
  15. Buhari ba Naijiria sọrọ saaju idibo

    Aarẹ Buhari ti rọ awọn ọmọ Naijiria lati tuyaya jade dibo ninu idibo Aarẹ fun oludije to ba wu ọkan wọn.

    Ninu igbohunsafẹfẹ ikẹyin to ṣe saaju idibo ọjọ abamẹta, Buhari ni ohun ti paṣẹ fun awọn agbofinro lati ri wi pe aabo to peye wa fun awọn ara ilu.

    Ipolongo idibo ti dopin lati oru ọjọru tii ṣe ọjọ kọkanlelogun Oṣu keji ọdun 2019.

    Aworan Aarẹ Buhari
    Image caption: Lori ẹrọ amohunmaworan NTA ni Aarẹ Buhari ti ba awọn ọmọ orileede sọrọ
  16. Ọjọ a da n sunmọ dẹdẹ fun idibo Naijiria

    Ẹ kaabọ si oju opo BBC Yoruba.Orukọ mi ni Ahmed Ambali.

    Lọsẹ to kọja la dagbere pe a o pade fun idibo Aarẹ ti ajọ Inec tun siwaju.

    Ọjọ ti ko a si ti ṣetan lati ma mu awọn iroyin ipalẹmọ idibo jakejado Naijiria wa si eti igbọ yin.

    Ẹ ma ba wa kalọ

    AWORAN IPOLONGO IBO
    Image caption: aworan ipolongo idibo BBC