Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Jíjábọ̀ ohun tí ń lọ lọ́wọ́

Nípasẹ̀ Adedayo Owolabi àti Olubusola Afolayan

Gbogbo àkókò tí a kọ jẹ́ ti UK

  1. Ojo isẹ ikinni n rọ fun Buhari.

    Awọn asaaju orilẹede ti n fi isẹ ikinni wọn ransẹ si aarẹ Muhammadu Buhari to jawe olubori lati lọ fun saa keji ninu eto idibo to kọja.

    Atẹjade kan ti oludamọran si aarẹ Buhari feto iroyin, Fẹmi Adesina fisita ni aarẹ orilẹede Ghana, Nana Koffi Addo, Mahamadou Issoufou tilẹ Niger ati Macky Sall ti orilẹede Senegal ti fi fi isk ikinni ku oriire ransẹ si aarẹ Muhammadu Buhair.

    Gẹgẹ bi atẹjade naa ti wi, awọn asaaju orilẹ ede naa ni aarẹ Buhari moke ninu eto idibo naa lati lọ fun saa keji, nitori igbẹkẹle ati igboya tawọn ọmọ Naijiria ni ninu rẹ.

    Wọn wa gbadura fun aarẹ Buhari pe yoo se aseye ti alakan n se epo ni saa keji to gba yii.

    Muhammadu Buhari
  2. Ìdí tí mo fí kọ̀ èsì ìbò ààrẹ - Atiku ṣàlàyé

    Oludije ipo Aarẹ ẹgbẹ oṣelu PDP Atiku Abubaka,r to ṣe ipo keji ninu idibo aarẹ Naijiria ti fesi si ibo Naijiria ti Muhammadu Buhari ti pegede.

    Ninu ọrọ to fi sọwọ sawọn akọroyin ati loju opo Twitter rẹ, Atiku ni oun ko ni gba ki wọn fun okun mọ ọrun ijọba awa ara wa lorileede Naijiria.

    Atiku ni lati ọgbọn ọdun ti oun ti n ja ija ijọba tiwantiwa, oun ko ti ri ibi ti wọn ti tẹju iṣejọba awa ara wa loju mọlẹ bi ti idibo ọjọ kẹtalelogun osu Keji to waye ni Naijiria.

    Atiku Abubakar
  3. Èsì ìbò kọ́ àwọn olórí láti sún mọ́ mẹ̀kúnnù - Ogundamisi

    Onwoye nipa awọn ohun to n lọ lawujọ wa, to fi ilẹ Gẹẹsi se ibujoko, Kayọde Ogundamisi, ti woye pe oniruuru ẹkọ ni eto idibo aarẹ ati tawọn asofin apapọ to kọja kọ wa.

    Ogundamisi, lasiko to n ba BBC Yoruba sọrọ lẹyin ti ajọ eleto idibo kede esi ibo aarẹ ati ẹni to jawe olubori, salaye pe, ọpọ oloselu lo ti kẹkọ bayii pe ọrọ araalu lo se pataki ju ohun ti wọn yoo jẹ lọ.

    Nigba to n mẹnuba ihuwasi awọn asofin agba ilẹ wa ni saa eto isejọba taa wa yii, Ogundamisi mẹnuba olori ile asofin agba, Bukọla Saraki pe, yoo fi abajade esi idibo to kọja kẹkọ pe ilu nikan lo dara lati sin ju ara ẹni lọ.

    Lori ifilọlẹ saa isejọba to n bọ, onwoye nipa ohun to n lọ lawujọ naa ni Buhari yẹ ko yọ awọn oloye rẹ ti ko ba sisẹ bo se yẹ nipo, ko si fi awọn eeyan to da loju pe wọn yoo sisẹ kara sipo.

    kayode Ogundamisi
  4. Ìjọba paṣan ní Nàìjíríà dibo fún, yóò kàn gbogbo wà - Sowore

    Oludije ipo aarẹ labẹ ẹgbẹ oṣelu African Action Congress, AAC, Omoyele Sowore ti fesi si ijawe olubori Aarẹ Muhammadu Buhari ninu idibo aarẹ Naijiria.

    Soworẹ ni ki awọn ọmọ Naijiria ma gbaradi nitori ijọba pasan ni wọn dibo fun ti gbogbo wọn yoo si ni ipin ninu rẹ.

    Soworẹ salaye ọrọ yi wa nigba to n ba BBC Yoruba sọrọ lori akanṣe eto nipa idibo aarẹ Naijiria.

    ''Ibo yi ko bojumu.Ti ẹ ba wo daada, ẹ o ri wi pe awọn eeyan ko tuyaya jade paapa julọ nilu Eko lati dọwọ idunnu esi ibo''

    Sowore tẹsiwaju pe, pupo eeyan ni ko ri bi dibo latari kọnukọhọ to wa ninu eto idibo naa.

    O si da ẹbi aijade dibo daada awọn ara ilu ru ọrọ ihalẹ ti aarẹ Buhari sọ saaju idibo.

    Omoyele Sowore
  5. PDP fáríga, ó kọ̀ láti fọwọ́sí èsì ibò ààrẹ

    Ẹgbẹ́ alátakò People's Democratic Party (PDP) ní àwọn yóò ṣe gbogbo ǹkan to wà ní ìkápá àwọn, tó fi mọ ìlànà òfin láti fi ẹ̀hónú àwọn hàn ló ri ìjáwé olúbori ààrẹ Muhammadu Buhari nínú ìdìbò ọdún 2019.

    Ẹgbẹ́ òṣèlú ọ̀hún tó kọ̀ láti fọ́wọ́ sí ìwé èsì ìbò tí àjọ elétò ìdìbò fi kédé pé Buhari ló jáwé olúbori, tun sọ pe o ní kọ́nukọ́họ ninu.

    Lásikò tó ń fesi láàrò Ọ́jọrú, lóri àbájáde ikede ìdìbo Buhari, okan ninu asojú ẹgbẹ PDP, Osita Chidoka sọ fun àwọn akọroyin nílu Abuja pé, àwọn èsì ti wọn kéde kìí ṣe ojúlowo ìbò ti àwọn ènìyàn Nàìjíríà dì.

    Ami idamọ̀ PDP
  6. Buhari yóò gba ìwé ẹ̀rí ìdìbò sípò ààrẹ ní agogo méjì òní

    Buhari atawọn aṣíwájú ẹgbẹ́ òṣèlúu APC
  7. Ǹjẹ́ o mọ̀ pé ìdá 35 nínú ọgọ́rún olùdìbò Nàìjíríà ló gbé Buhari wọ sáà kejì?

    Iye awọn eeyan to forukọ silẹ lati dibo: 82,344,107

    Iye awọn ti wọn ṣe ayẹwo fun lọjọ idibo: 29, 364, 209

    Iye awọn to dibo gangan: 28,614,190

    oludibop kan pẹlu iwe idibo lọwọ
  8. Buhari wọlé sípò ààrẹ fún sáà kejì

    Buhari bórí ní ìpínlẹ̀ mọ́kàndínlógún, Atiku bórí ní ìpínlẹ̀ mẹ́tàdínlógún àti olú ìlú ilẹ̀ẹwa.

    Aarẹ Muhammadu Buhari lo jawe olubori ninu ibo aarẹ orilẹede Naijiria to waye lọjọ Abamẹta.

    Ajọ eleto idibo INEC kede pe aarẹ pe Buhari to dije dupo labẹ asia ẹgbẹ oṣelu APC bori pẹlu ibo to le ni miliọnu marundinlogun (15,191,847) ti Atiku Abubakar to dije fẹgbẹ osẹlu PDP si ni ibo to le ni miliọnu mọkanla (11,262,978)

    Muhammadu Buhari
  9. INEC yóò bẹ̀rẹ̀ ìgbáradì fún ìdìbò 2023 ní ọjọ́bọ

    Alaga ajọ eleto idibo Naijiria, INEC, ọjọgbọn Mahmood Yakubu tiu kede pe igbaradi fun eto idibo ọdun 2023 yoo bẹrẹ ni ọjọbọ ọjọ kejidinlọgbọn oṣu kejiọdun 2019.

    O ni eyi wa lati lee tetet bẹrẹ iṣẹ lori awọn kudiẹ kudiẹ to waye lasiko idibo apapọ ọdun 2019.

    Lasiko to fi n kede esi idibo sipo aarẹ lọdun 2019 lo kede ọrọ yii.

    Alaga ajọ INEC, Mahmood Yakubu
  10. Àjọ INEC sún ìkéde ààrẹ tuntun síwájú

    Ajọ INEC ti gunle isinmi ranpẹ lati fi yanju ohun gbogbo to yẹ ki wọn to kede ẹni to bori ibo aarẹ to waye ni ọjọ abamẹta lorilẹede Naijiria.

    Agogo mẹta owurọ ọjọru ni wọn sun un si bayii.

    Alaga INEC
  11. Ààrẹ Buhari gan an kò sùn o!

    Aarẹ Buhari joko gba-gba-gba pẹlu ẹrọ mohunmaworan lati mọ ibi ti yoo ja si.

    Ṣe wọn ni, iṣẹ igbọnsẹ, a kii fi ran ọmọ.

    Muhammadu Buhari
  12. Nítori ẹ̀rọ ìdìbò, INEC wọ́gilé ìbò 132,189 ní Cross river

    Ibo to le diẹ ni aadoje ẹgbẹrun ati meji lajọ INEC wọgile ni ipinlẹ Cross river nikan nitori aiṣedede awọn ẹrọ ayẹwo kaadi idibo nibẹ.

    Ọjọgbọn Akii Ibhadode to jẹ alamojuto ibo aarẹ nipinlẹ naa lo sọ bẹẹ lasiko to fi n jabọ esi ibo fun alaga ajọ INEC nilu Abuja.

    Ero idibo