Fẹla: Àwọn olólùfẹ́ Abàmì Ẹdá s'ayẹyẹ ọjọ́ ìbí ọgọ́rin ọdún rẹ̀

Fẹla Anikulapo-Kuti Image copyright Getty Images
Àkọlé àwòrán Àwọn olólùfẹ́ Fẹla Anikulapo-Kuti s'ayẹyẹ ọjọ́ ìbí ọgọ́rin ọdún rẹ̀

Iku n pani, ilẹ n jẹniyan, oni Ọjọ Kẹẹdogun, Oṣu Kẹwa ọdun 2018 ni ajafẹtọ ọmọniyan ati olorin Afro ni, Fẹla Anikulapo Kuti ko ba pe ẹni ọgọrin ọdun loke eepẹ.

Ọdun 1938 ni wọn bi Fẹla nilu Abeokuta to jẹ olu ilu Ipinlẹ Ogun si idile Israel Oludọtun Ransome-Kuti to jẹ ọga ile iwe girama ati mama rẹ Oloye Funmilayọ Ransome-Kuti to jẹ ajafẹtọ ọmọniyan.

Fẹla gba oriṣiriṣi ami ẹyẹ kakakiri agbaye ninu orin kikọ, bẹẹ naa ni o ja takuntakun lati ri pe ijọba ṣe ojuṣe wọn fawọn ara ilu nigba aye rẹ.

Àwọn iròyin tì ẹ leè ní ìfẹ̀ síí:

Aláàfin ń se ọgọ́rin ọdún, àwọn àwòrán mánigbàgbé

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionÌjọba Ọ̀yọ́: Kò sí ilé kan tí wọn kò tíì bí ìbejì ní Igbó Ọrà
Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionṢọla Allyson: Obìnrin tí kò bá rẹwà ni yóò máa ṣí ara sílẹ̀

Fẹla dagbere faye lọjọ Keji, Oṣu kẹjọ ọdun 1997 ni ẹni ọdun mejidinlọgọta nilu Eko.

Awọn eniyan ko le gbagbe Fela laelae

Yẹni Anikulapo-Kuti to jẹ akọbi Fẹla gboṣuba fun Fẹla loju opo Twitter rẹ. O ni o daju pe Fẹla n ṣe ayẹyẹ ọjọ ibi rẹ lajule ọrun bayii. Yẹni sọ pe oun ati ọgọrọ eeyan ko ni gbagbe Fẹla laelae.

Fẹmi Anikulapo-Kuti naa ki Fẹla ku ọjọ ibi, o ni kosi ẹni to le gbagbe Fẹla laelae pẹlu ọpọ ohun to gbe ile aye ṣe.

@Thereal_TommyB ṣe sandankata fun Fẹla , o ni Abami Ẹda sọrọ ko too ku pe oun ko le ku laelae nitori apo oun niku wa.

Aarẹ ilẹ orilẹede Faranse, Emmanuel Macron se abẹwo si Fela Shrine ni Naijiria

Image copyright Getty Images
Àkọlé àwòrán Ààrẹ ilẹ̀ Faranse, Emmanuel Macron yóò dé sí Nàíjíríà ní Ọjọ́ Isẹgun, níbi tí yóò ti má a se ìpàdé pẹ̀lú Ààrẹ Muhammadu Buhari.

Aarẹ ilẹ orilẹede Naijiria, Muhammadu Buhari yoo ma gbalejo Aarẹ ilẹ orilẹede Faranse, Emmanuel Macron fun ijiroro lori eto abo ati igbesunmọmi lorilẹede Naijiria.

Lasiko abẹwo rẹ, Macron yoo tun se abẹwo si ibi igbafẹ, ‘Afrika Shrine’ ni ipinlẹ Eko nibi ti olorin afro- juju, Fela Anikulapo Kuti da si lẹ, ti ọmọ rẹ, Femi Kuti si se atunse si, to si pe orukọ rẹ ni ‘New Afrika Shrine’.

Pẹlu abẹwo si ‘New Afrika Shrine’, Macron yoo jẹ aarẹ akọkọ ti yoo kọkọ wa si ile igbafẹ ti wọn mọ si agbegbe ti wọn ti n mu ogun oloro bi igbo, ati awọn obinrin ti wọn ki n wọ asọ to bo gbogbo ẹya ara wọn lati jo.

Image copyright Getty Images
Àkọlé àwòrán Macron yoo jẹ aarẹ akọkọ ti yoo kọkọ wa si ile igbafẹ ti wọn mọ si agbegbe ti wọn ti n mu ogun oloro bi igbo.

Lara awọn ayeye ti yoo ma waye ni ile igbafe naa ni, awọn olorin takasufe ti yoo ma lu ilu si awọn eniyan ni ibadi ati awọn alasọ alarabara ti yoo ma fi ẹwa wọn han nibi ayẹyẹ naa.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionLASTMA: Ẹ̀rí la nílò láti fi òsìsẹ́ tó ń gba rìbá jófin

Ohun to yẹ ki o mọ nipa aarẹ ilẹ Faransẹ, Emmanuel Macron

Lopin ọsẹ to kọja ni Aarẹ ilẹ Faranse naa, Emmanuel Macron darapọ mọ awọn adari awọn orilẹede to wa ni ilẹ Afirika, ni ipade ‘Ajọ Africa Union’ to waye ni olu ilu orilẹede Mauritania, Nouakchott.

Image copyright Getty Images
Àkọlé àwòrán Iyawo Aarẹ Ilẹ Faranse, Brigitte Macron to jẹ olukọ rẹ Emmanuel Macron nigbati aarẹ naa wa ni ọmọ ọdun marundinlogun (15) , fi ọdun mẹrindinlogun (24) ju ọkọ rẹ lọ.
  • Emmanuel Macron di aarẹ ilẹ Faranse ni ọmọ ọdun mọkandinlegoji (39) gẹgẹbi aarẹ to kereju lati di aarẹ orilẹede naa.
  • Lẹyin ọdun marundinlogun ti Macron wa sisẹ ni ile isẹ to n soju ilẹ Faranse ni orilẹede Naijiria, o tun pada wa se ipade pẹlu Aarẹ Buhari ko to di wi pe yoo wa si ilu Eko.
  • Lọdun 2014 ni Macron da Minisita fun eto ọrọ aje ati idokowo labẹ Aarẹ tẹlẹri Francois Hollande to gba ipo lọwọ rẹ.
  • Aarẹ Macron faramọ ki ilẹ Faranse si wa pẹlu Ajọ Isọkan Ile Europe ‘European Union’, lẹyin ti awọn ti Ilẹ Gẹẹsi dibo lati kuro ninu ajọ naa, ti awọn alatako Macron si faramọ igbese naa.
  • Macron da ẹgbẹ ti rẹ silẹ fun eto idibo to gbe e wọle ni ilẹ Faranse.
  • Iyawo Aarẹ Ilẹ Faranse, Brigitte Macron to jẹ olukọ rẹ Emmanuel Macron nigbati aarẹ naa wa ni ọmọ ọdun marundinlogun (15) , fi ọdun mẹrindinlogun (24) ju ọkọ rẹ lọ.
  • Bakan naa, ki Macron to di aarẹ ile Faranse, o sisẹ fun ọdun mẹrin pẹlu ile ifowopamọ ni orilẹede naa.