Johnson & Johnson san biliọnu 8 dọ́là fún ẹni tóògùn gbòdì lára rẹ̀!

Risperdal Image copyright Getty Images
Àkọlé àwòrán Ọkùnrin náà ní ilé isẹ́ ìpoogùn náà kò fi ìkìkọ̀ léde pé ọmú àyà òun yóò tóbi si lẹ́yìn tí òun bẹ̀rẹ̀ sí ní lo òògún náà.

Ile ẹjọ kan lorilẹ-ede Amerika ti pa asẹ fun ile isẹ ipoogun Johnson & Johnson lati san biliọnu mẹjọ dọla fun arakunrin to sọ wi pe aisan oogun ọpọlọ ti wọn ta fun oun jẹ ki ọmu aya oun tobi si.

Nicholas Murray, ẹni ọdun mẹrindinlọgbọn to pe ile isẹ ipoogun naa lẹjọ wa lara awọn ẹjọ ti awọn eniyan ti pe mọ ile isẹ ipoogun naa.

Awọn Agbẹjọro fun ọkunrin naa ni ile isẹ ipoogun naa ko mu ilera awọn eniyan ni ọkunkundun, amọ wọn n lepa ere ti wọn yoo jẹ lori oogun naa.

Ọdun 2003 ni arakunrin naa ti bẹrẹ si ni yo ọmu ni aya, lẹyin ti o bẹrẹ si ni lo oogun Risperdal to n gbogun ti aisan ‘autism’.

Amọ ile isẹ ipoogun naa ti ni awọn ko faramọ idajọ ile ẹjọ naa, nitori naa awọn n gba ile ẹjọ kotẹmilọrun lọ.

Ọpọlọpọ awọn eniyan lo ti pe ile iṣẹ ipooogun yii lẹjọ lorilẹ-ede America.

Paapaa lori oogun fun nkan ọmọkunrin ati oju ara obinrin laiyọ atike ikoko silẹ.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionAfrica Eye: Olùkọ́ méjì ní fásitì Eko àti Ghana lùgbàdì ọ̀fíntótó BBC lórí ìwà ìbàjẹ́