Sowore: Garba Shehu ni ijọba Buhari ko tii fi akọroyin kankan satimọle lati ọdun 2015

Omoyele Sowore Image copyright Getty Images
Àkọlé àwòrán Garba Shehu ni ijọba Buhari ko tii fi akọroyin kankan satimọle lati ọdun 2015

Olubadamọran pataki fun aarẹ Muhammadu Buhari lori iroyin, Garba Shehu ti sọ pe ijọba Buhari ki n ṣe ijọba to n ti awọn akọroyin mọle.

Garba lo sọ ọrọ yii loju opo Facebook rẹ lọjọ ọdun Keresimesi latari bi awọn ile iroyin kan lagbaye ṣe n pe Omoyele Sowore ni akọroyin.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionǸkan tí ẹ̀mí mímọ́ fi hàn mí kí n tó bẹ̀rẹ̀ orin ìfèdèfọ̀ rèé- Testimony Jaga

O ni ijọba Buhari ko fi panpẹ ofin mu Sowore nitori o jẹ akọroyin, ṣugbọn nitori pe o gbe igbesẹ lati doju ijọba bolẹ.

Ninu atẹjade naa, Shehu sọ pe "Lati igba ti aarẹ Buhari ti gori aleefa lọdun 2015, ko tii fi akọroyin kankan satimọle."

O tẹ siwaju pe "Ijọba yii ko tii gbe agadagodo sẹnu ile iroyin kankan, bẹẹ ni ko gbẹse le iwe iroyin kankan."

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionChristmas: Ẹni ti ọdun ba ti bá láyé yẹ kó dúpẹ́

Shehu ni Sowore lo ipo rẹ gẹgẹ bi gbajumọ lati idoju ijọba bolẹ lori ẹrọ amohunmaworan ati ninu iwe iroyin rẹ lori itakun agbaye.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionChristmas:Ṣé ẹ ti ra fìlà ọdún?

O sọ pe ko si ijọba kan to nifẹ ara ilu lọkan ti yoo laju rẹ silẹ ki eeyan kan wa da oju ijọba rẹ bolẹ.

Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Media captionChristmas: Jesu ni ọjọ́ ọ̀la àti ibi ìyanu mi- Jaga