Kano: Àhesọ̀ ọ̀rọ̀ kan ní ọmọ náà ní àrùn ọpọlọ ni

Ibrahim Lawal ti baba rẹ de mọlẹ fun ọdun mẹẹdogun

Oríṣun àwòrán, Others

Yoruba ni ọjọ gbogbo ni ti ole, ọjọ kansoso pere ni ti olohun.

Bẹẹ ni ọrọ ri pẹlu baba kan, to de ọmọ rẹ, Ibrahim Lawal, mọlẹ sinu ile rẹ fun odidi ọdun mẹẹdogun gbako.

Alabagbele ọmọkunrin naa ni agbegbe Shekar Dan Fulani, nijọba ibilẹ Kumbotso nilu Kano salaye pe, iya ọmọ naa ko gbe pẹlu wọn ninu ile.

Àwọn iròyin tì ẹ leè ní ìfẹ̀ síí:

Dan Fulani ni gbogbo aayan awọn aladugbo naa lati ẹyin wa, lati doola ẹmi ọmọkunrin naa, lo n ja si pabo.

O ni lasiko ti awọn ọlọpaa n doola ọmọ naa, wọn ba ninu yara kan ti ilera rẹ ko si peye, ti wọn si da ounjẹ sinu abọ nla kan fun lati jẹ bii ẹranko.

Ibrahim Lawal yii si ni ọmọkunrin keji ti yoo wa ni iru ipo to buru jai bayii, ti ileesẹ ọlọpaa yoo doola ẹmi rẹ laarin ọjọ meji.

Agbẹnusọ fun ileesẹ ọlọpaa nipinlẹ Kano, Abdullahi Kiyawa salaye pe o ti to ọdun mẹẹdogun ti wọn ti so Ibrahim Lawal naa mọlẹ bii ẹranko, ninu ahamọ kan.

Àkọlé fídíò,

Blind DJ: Etu Omotayo kò ríran àmọ́ ó le to irinṣẹ́ eléré pọ̀ láti kọrin láì sí ìrànwọ́

Kiyawa ni awọn ti gbe ọmọkunrin naa lọ sile iwosan fun itọju to peye, ti iwadii lẹkunrẹrẹ si n lọ lọwọ lori isẹlẹ naa.

Fidio kan to si n ja ranin-ranin lori ayelujara lo n se afihan ọkunrin kan ti wọn n wọ jade lati inu ile kan, to si n kerora gidi.

Kiyawa ni agbegbe Sheka Unguwar nijọba ibilẹ Kumbotso nilu Kano ni wọn ti doola ọkunrin naa.

Olori agbegbe naa, Mallam Bello Da'u Sheaka ni awọn mọ pe ọmọkunrin naa, bii baba rẹ, jẹ onimọ nipa ẹsin Islam.

Amọ o fikun pe ahesọ ọrọ kan lo n ja nilẹ pe Ibrahim Lawal naa ni arun ọpọlọ , tawọn ọrẹ rẹ si n saayan lati ba tọrọ owo, ki wọn le gbe lọ sile iwosan fun itọju.

Àkọlé fídíò,

Alaafin: Olori Aanu Adeyemi ṣàlàyé ìdí tó ṣe gẹ́ Oba Lamidi Adeyemi ti ìlú Oyo

Basaraken sisọ loju rẹ pe o ti to ọdun mẹjọ si mẹsan ti oun ti fi oju kan Ibrahim kẹyin, to si ni oun ro pe baba rẹ ti mu lọ sile ẹkọ ni.

Awọn ọlọpaa ko ba baba ọmọ naa nile lasiko ti wọn lọ doola ẹmi rẹ lọjọ Aiku

Ìjọba Kano fi páńpẹ́ òfin mú Ọba àwọn Oṣó lórí ẹ̀sùn jìbìtì

Oríṣun àwòrán, Getty Images

Àkọlé àwòrán,

Olugbe ilu Kano kan sọ fun BBC bi oun ṣe ko sọwọ awọn oni gbajuẹ naa nigba ti oun ṣe aisan

Ọga agba ajọ eleti gbaroye ati igbogun ti iwa ibajẹ ipinlẹ Kano, Muhiyi Magaji ti sọ fun BBC pe, idi ti ajọ ọhun ṣe n ti ilẹkun ṣọọbu awọn babalawo ati ariran ni ipinlẹ naa ni pe wọn n lu awọn eeyan ni jibiti.

Gẹgẹ bi ọrọ to sọ, wọn ti fi panpẹ ofin mu awọn ayederu babalawo mẹrin, wọn o si tẹsiwaju titi di igba ti awọn ara ilu yoo dekun ati maa fẹjọ wọn sun.

Magaji ṣalaye pe "A fofin mu okunrin kan ni ijọba ibilẹ Albasu to n pe ara rẹ ni Ọba awọn oṣo, to si jẹwọ fun wa pe ofege ni oun."

O ni ajọ naaa tun mu okunrin miran lagbegbe Makolo to pe ara rẹ ni alaga awọn babalawo ni gbogbo ipinlẹ Kano.

Oríṣun àwòrán, Magaji

Àkọlé àwòrán,

Alaga ajọ amuni mu ẹgbo naa ati meji ninu awọn ti ọwọ tẹ

Olugbe ilu Kano kan, Sani Ibrahim sọ fun BBC pe oun ti ko sọwọ awọn gbajuẹ naa ri nigba ti oun n ṣe aisan.

Magaji sọ pe bi wọn ṣe n tu aṣiri awọn eeyan naa jẹ ara iṣe ajọ ọhun gẹgẹ bi eyii to n gbogunti iwa ibajẹ lawujọ

O ni oni jibiti ni awọn eeyan naa, wọn ko ni agbara kankan, ati pe ko yẹ ki awọn ara ilu maa bẹru wọn rara nitori o yẹ ki aye wọn dara ju bẹẹ lọ ka sọ pe lotọ ni wọn ni agbara.

Muhuyi kilọ fawọn eniyan pe ẹni to ba n wa ifa naa lo maa n ri ofo ati pe ẹni to ba n wa iwakuwa naa lo maa n ri irikuri.

Àkọlé fídíò,

Akure Kidnap: E túbọ̀ ní sùúrù, a máa wá ọmọ náà rí- Alukoro ọlọ́pàá