Certificate Forgery: Ọmọ oyè yí ìwé ẹ̀rí láti dupò Oluwoye ti ilú Iwoye

oga Olopaa Ogun Image copyright other
Àkọlé àwòrán Certificate Forgery: Ọmọ oye ìwé ẹri láti dupo Oluwoye ti ilú Iwoye

Ilé iṣẹ́ ọlọpàá nipinlẹ Ogun ti fi ọwọ òfin mu ọmọ oye kan to n dupo ọba to si ṣilẹ̀ ni Iwoye, Ilaro nijọba ibilẹ Yewa South ìpínlẹ̀ Ogun lori lilo ìwé ẹri ayederu.

Ọlọpaa mu Fagbemi Waheed lẹyin ti àwọn kan kọwe ẹsun ranṣẹ́ si ilé iṣẹ́ ọlọpàá pe ayédèrú ìwé ẹ̀rí ìwé mẹwàá WAEC wà lọ́wọ́ rẹ̀.

Agbẹnusọ ọlọpàá ni ipnlẹ Ogun Abimbola Oyeyemi sọ nínú àtẹjade kan lọ́jọ́ Isegun pe àwọn lọ mu Waheed si àtìmọle nítori pe àwọn gba iwé ẹ̀sùn láti ile Iṣẹ́ agbẹjọrò R.R.A & Associates.

Eni to kọ iwé ẹsùn náà ni fẹ̀sùn kan pe Waheed sọ pe oun gba iwé ẹri WAEC ni ọdun 1988 sugbọn irọ ni nitori pé ayédèrú ni.

Oyeyemi fi kun un pé Olùfisùn ni Alhaji Fagbemi lo wa ayédèrú iwé ẹri náà láti dupò k bi ọmọ oye àti lati láti bọ sori àpèrè Oluwoye ti ilú Iwoye"

Ẹjọ náà si ti wà ni ẹka àwọn to n moju to ọ̀rọ̀ ajínigbe ti wà láti ṣe ìwádìí ọ̀rọ̀ náà.

Ẹ̀wẹ̀, lẹ́yìn ti ọlọpàá gba àṣẹ́ láti tú ilé rẹ̀ wò, wọ́n ní "a ri pé iwé ẹ̀ri ti o ni nọmba ti Waheed náà ni lori ìwé ẹrí rẹ̀ jẹ́ ti Raimot Omotola Adebayo"

Ní àsìkò ìfọ̀rọ̀wánilẹnu wò ni o jẹ́wọ pe òun gba iwe ẹ̀rí náà lọ́wọ́ ẹni ti o ní lábẹ ẹ̀tàn pe òun fẹ́ ba a wa iṣẹ́, sùgbọ́n oun mú lọ si ọdọ àwọn to n tẹ iwé láti gbé orukọ oun lee ki o le da bi pé ti oun ni.

Kọmiksọna ọlọpàá ìpínlẹ̀ Ogun Kenneth Ebrinson ti paṣẹ pe ti ìwádìí ba ti pari ki wan gbe ọkùnrin náà lọ si ilé ẹjọ.