Sunday Igboho: Ilé ẹjọ́ fi ìyàwó Igboho sílẹ̀ pé kò lẹ́jọ́ jẹ́ àmọ́ ìgbẹ́jọ́ ọkọ rẹ̀ ń tẹ̀síwájú lọ́jọ́ Aje

Ile ẹjọ to n gbọ ẹjọ lori igbesẹ lati fa Oloye Sunday Igboho le ijọba Naijiria lọwọ, ti sun igbẹjọ naa si ọjọ Aje ọsẹ to n bọ, iyẹn ọjọ kẹrindinlọgbọn, oṣu keje ọdun 2021.

Akọroyin BBC to wa niluu Cotonou jabọ pe, nnkan bii aago mẹfa irọlẹ ni wọn bẹrẹ igbẹjọ ọhun, bo ti lẹ jẹ ọpọ awọn ololufẹ Igboho atawọn ajijagbara Yoruba Nation ti wa nile ẹjọ ọhun lati aarọ kutu.

O ni wọn ti fi iyawo Oloye Igboho silẹ lẹyin ti wọn ni awọn ko ri ẹsun kankan ka si lẹsẹ.

Àwọn iròyin tì ẹ leè ní ìfẹ̀ síí:

Ti ẹ ko ba gbagbe, wọn mu Ropo, iyawo Oloye Igboho lọjọ kan naa ti wọn mu ọkọ rẹ ni papakọ ofururu kan nilu Cotonou, lasiko ti awọn mejeji ti n gbiyanju lati tẹkọ leti lọ si Germany.

Wayi o, wọn ti wa fi iyawo rẹ silẹ, ti wọn si ti jọwọ gbogbo iwe irinna atawọn dukia ti wọn gba lọwọ rẹ pada.

Agbẹjọro Igboho ni ‘Passport’ Naijiria ati Germany ni wọn ka mọ Igboho lọwọ:

Agbẹjọro fun Oloye Sunday Igboho ni Benin Republic, Ibrahim David Salami sọ fun BBC pe, ijọba Benin ko ka iwe irinna silẹ okeere, Passport, tii ṣe ti orilẹ-ede Benin Republic mọ Igboho lọwọ, gẹgẹ bii awọn iroyin kan ṣe sọ ṣaaju.

O ni "Kii ṣe pe wọn ba iwe irinna silẹ okeere to jẹ ti orilẹ-ede Benin Republic lọwọ Oloye Igboho."

"Wọn ba iwe irinna ti Naijiria ati Germany lọwọ Igboho, nigba ti wọn ba ti orilẹ-ede Germany lọwọ iyawo rẹ."

Ẹwẹ, awọn agbofinro ti Igboho wa ni ikawọ wọn sọ pe igbeṣẹ awọn lati mu Igboho jẹ aṣẹ ti wọn gba lati ọdọ ijọba Naijiria.

Wayi o, ile ẹjọ giga to wa ni Cotonou ti wa ni ki wọn da oloye Igboho pada si agọ ọlọpaa ti wọn ti n sewadi iwa ọdaran, titi di ọjọ Aje ti igbẹjọ naa yoo tẹsiwaju.

Ki lo ti ṣẹlẹ ṣaaju?

Wo ibi tí ọ̀rọ̀ dé dúró nílé ẹjọ́ ni Benin Republic lálẹ́ yìí

Lẹ́yin o rẹ̀yin nile ẹ̀jọ́ ni Benin Republic ni wọ́n ti fẹnu ọ́rọ́ jona lale yii.

Adajọ́ sun igbẹ́jọ́ lori ọ́rọ́ Oloye Sunday Igboho si ọ̀jọ́ Aje to n bọ.

Agbejọ́rọ́ Oloye Sunday Adeyemo salaye pe asiko ko tii to lati sọ̀rọ̀ lori igbẹ́jọ́ naa sugbon oun gbagbọ́ pe didun lọ́san o so.

Agbejọ́rọ́ Ijọba naa ko ba awọ́n akọ́royin sọ́rọ̀.

Ere gbogbo di ọjọ Aje lori igbẹ́jọ́ naa.

Àwọn iròyin tì ẹ leè ní ìfẹ̀ síí: